Ferroqorytpa zaýytynda kúıip qalǵan taǵy bir qyzmetker qaıtys boldy

<p>QARAǴANDY. KAZINFORM — Qaraǵandydaǵy ferroqorytpa zaýytynda tótenshe jaǵdaı kezinde zardap shekken taǵy bir qyzmetker qaıtys boldy. 25 jastaǵy jumyskerdiń qaza bolǵanyn densaýlyq saqtaý basqarmasy málimdedi.</p>

«Dárigerlerdiń búkil kúsh-jigerine qaramastan Qaraǵandy ferroqorytpa zaýytynyń taǵy bir qyzmetkerinen aıyryldyq. 1999 jyly týǵan naýqastyń denesin 90% kúıik shalǵan. Osy ýaqytqa deıin ol óte aýyr jaǵdaıda jansaqtaý bóliminde jatqan. Marqumnyń jaqyn týystaryna qaıǵyra kóńil aıtamyz», — dep habarlady oblystyń densaýlyq saqtaý basqarmasynyń baspasóz qyzmeti. 

25 jastaǵy Qazken Erulan Qaıyrbekuly ferroqorytpa zaýytynda tehnolog bolyp jumys istegen.

Osydan eki kún buryn denesin 85% kúıik shalǵan Mýzafar Ismaılov ta kóz jumǵan edi.

Ol búgin Qaraǵandy oblysynyń Buqar jyraý aýdanyndaǵy Úmitker aýylynda jerlendi. 

Esterińizge sala keteıik, 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń segiz qyzmetkeri zardap shekti.

Olar professor Maqajanov atyndaǵy kópsalaly aýrýhanaǵa jetkizilgen. 

Qaraǵandy dárigerlerine elordadan áriptesteri kómekke keldi. 

Kompanııa qaza tapqan qyzmetkerdiń otbasyna on jyldyq jalaqysy tólenetinin habarlady.