Fermerlerge arnalǵan arzan janar-jaǵarmaı jetkizý jumystary júrip jatyr - QR AShM
«Respýblıkadaǵy aýyl sharýashylyǵy taýarlaryn óndirýshiler úshin 2016 jylǵy kóktemgi egis jumystaryn júrgizýge 366,8 myń tonna arzan dızel otyny bólindi. Bul rette fermerler úshin oblystardaǵy operatorlarda dızel otynynyń ortasha baǵasy lıtrine 92 teńgeni qurap, naryqtyq baǵadan 7 paıyzǵa arzan bolyp otyr. Respýblıka boıynsha naryqtyq ortasha baǵa lıtrine 99 teńge deńgeıinde qalyptasyp otyr»,-deıdi mınıstrlik ókilderi.
QR Energetıka mınıstrligi bekitken josparǵa sáıkes, aýyl sharýashylyǵy taýarlaryn óndirýshiler úshin naýryz aıyna 55,1 myń tonna dızel otynyn jetkizý eskerilgen. Atap aıtqanda, oryndaýǵa negizdelgen tıisti keste oblystar men dızel otynyn jetkizýshilerge 2 naýryzda jiberildi.
«Oblystarda aýyl sharýashylyǵy taýarlaryn óndirýshiler úshin janar-jaǵarmaıdy jetkizý boıynsha operatorlar anyqtaldy, sondaı-aq olar dızel otynyn salyp alý sharalaryn bastady. 2016 jylǵy 11 naýryzdaǵy jaǵdaıǵa qaraǵanda, sharýa qojalyqtaryna kóktemgi egis jumystaryn júrgizýge 253 tonna otyn jetkizildi»,-delingen vedomstvo habarmasynda.