Fermerlerge 67,7 myń tonna dızel otyny men 5 myń tonna suıytylǵan gaz bólindi

<p>ASTANA. KAZINFORM &ndash; Energetıka mınıstrligi Aqmola, Qaraǵandy, Pavlodar, Qostanaı, Soltústik Qazaqstan jáne Shyǵys Qazaqstan oblystarynyń agrarshylarynyń ótinimderi boıynsha astyqty keptirý agregattary úshin 67,7 myń tonna kóleminde arzandatylǵan dızel otynynyń qosymsha kólemin bóldi. Bul týraly Energetıka mınıstrligi 9 qyrkúıekte vıtse-premer Serik Jumanǵarınniń tóraǵalyǵymen Úkimette ótken kúzgi-dala jumystary máseleleri jónindegi jedelshtab otyrysynda habarlady.</p>

Suıytylǵan gazdy jeńildetilgen baǵamen bólý máselesi ózekti bolyp otyr. Astyq egetin alty óńirdiń búkil jınaý maýsymyna keptirgishterdiń jumysy úshin jalpy qajettiligi 21,5 myń tonna suıyq otyn bolsa, (qyrkúıek-qazan) qazirgi ýaqytta 5 myń tonna bólindi. Suıytylǵan gaz suıyq otynmen jumys isteıtin keptirgishterdiń eń kóp sany ornalasqan Aqmola, Pavlodar jáne Soltústik Qazaqstan oblystaryna taratyldy. Basqa úsh oblystyń fermerlerin keptirý agregattaryn suıytylǵan gazben jedel qamtamasyz etý úshin Serik Jumanǵarın bólingen otyn kólemin qajettilik týyndaǵan óńirlerge qaıta bólýdi tapsyrdy. Astyq jınaý maýsymyna gaz qajettiligin tolyq qamtamasyz etý úshin óndirýshiden suıytylǵan gazdyń kommertsııalyq baǵasyn arzandatý múmkindikteri qarastyrylady. Sonymen qatar ishki naryqta suıytylǵan gazǵa degen joǵary suranysty eskere otyryp, óńirlerge keptirý agregattarynyń múmkindikteri kezinde otynnyń eki túrimen jumys isteý, sonyń ishinde dızeldi tańdaý usynyldy.

Foto: Úkimet

Jedelshtabta «QazAgroQarjy» AQ Basqarma tóraǵasy Aıdar Prashev egin jınaý kezeńinde astyq keptirgishterdi jyldyq 9%-ben satyp alýǵa kredıt berý úshin qarjy quraly ázirlengenin habarlady. Fermerlerden 260 mln teńge somaǵa 6 ótinim kelip tústi. Aıta ketý kerek, aýyl sharýashylyǵy tehnıkasynyń osy túri qunynyń 30% memleket sýbsıdııalaıdy.

Foto: Úkimet

10 qyrkúıektegi jaǵdaı boıynsha elimiz boıynsha shamamen 4,7 mln ga dándi jáne burshaqty daqyldar jınaldy nemese 28%, ortasha ónimdilik 14,9 ts/ga quraıdy, shamamen 6,9 mln tonna astyq bastyryldy.

Foto: Úkimet

5 qyrkúıektegi jaǵdaı boıynsha respýblıka elevatorlaryna 880,5 myń tonna astyq tústi, onyń ishinde ylǵaldylyǵy 14,5%-ǵa deıin – 40,1% bolsa, 14,6-dan 17,0%-ǵa deıin – 23,1%. 260,4 myń tonna (29,6%) keptirildi, 321,8 myń tonna (36,5%) óńdeldi.