Fermerlerdiń qaryzyn sýbsıdııalaýǵa qansha qarjy kerek

<p>ASTANA. KAZINFORM &ndash; Premer-Mınıstrdiń orynbasary Serik Jumanǵarın Májilis depýtattarynyń saýalyna oraı fermerlerdiń qaryzyn sýbsıdııalaýǵa qansha qarajat qajet ekendigin málim etti.</p>

Úkimet basshysy orynbasarynyń dereginshe, qazirgi ýaqytta fermerlerdiń qaryzyn sýbsıdııalaýǵa qosymsha qajettilik 256,8 mlrd teńgeni quraıdy. Onyń ishinde:

— Ósimdik sharýashylyǵyna — 95,3 mlrd teńge (tuqym sharýashylyǵyn damytý — 8,8 mlrd teńge, basym daqyldar óndirisi — 35,1 mlrd teńge, tyńaıtqyshtar (organıalyq tyńaıtqyshtardy qospanǵanda) — 17,4 mlrd teńge, pestıtsıdter, bıoagentter — 33,9 mlrd teńge);

— Mal sharýashylyǵyna — 43,5 mlrd teńge;

— Qarjy quraldaryna — 118 mlrd teńge (ınvestıtsııalyq sýbsıdııa — 39,9 mlrd teńge, syıaq mólsherlemesin sýbsıdııalaý — 78,1 mlrd teńge).

Bul rette «kútý paraǵynda» 194,8 mlrd teńge somasyna maquldanǵan ótinim tur:

— Ósimdik sharýashylyǵyna — 56,8 mlrd teńge; 

— Mal sharýashylyǵyna — 20 mlrd teńge;

— Qarjy quraldaryna — 118 mlrd teńge.

— 259,1 mlrd teńge mólsherinde qosymsha qarjylandyrý týraly usynys bıýdjettik josparlaý jónindegi ókiletti organǵa jiberildi. Bul rette sýbsıdııalaýǵa qosymsha qajettiliktiń bir bóligi ákimdikterdiń ózge bıýdjettik baǵdarlamalar qarajatyn qaıta bólý arqyly jergilikti bıýdjet qarajatynan qosymsha resýrstar tabýyna baılanysty qysqartyldy. Tólemder qarajattyń bólinýine oraı bastalady. Sonymen qatar Memleket basshysynyń tapsyrmasyna boıynsha salany 2028 jylǵa deıin «uzaq merzimdi» jáne qoljetimti nesıe resýrstarymen qamtamasyz etý maqsatynda fermelerdiń nesıelerin sýbsıdııalaý júıesi jeńildikti nesıelendirýge kóshirý máselesi qarastyrylatyn bolady. Atalǵan shara jeke bankterdi jeńildikti paıyzben agroónerkáisip keshenin nesıeleýge tartýǵa múmkindik beredi, — dedi Serik Jumanǵarın.

Buǵan deıin astyq eksporttaıtyn sharýalarǵa sýbsıdııa beriletindigin jazǵan edik.