Fermerlerdiń ónimin forvardtyq mehanızmmen satyp alýǵa 24,5 mlrd teńge jumsalady

NUR-SULTAN. QazAqparat – Premer-Mınıstrdiń tóraǵalyǵymen ótken memlekettik komıssııa otyrysynda forvardtyq satyp alý mehanızmi maquldanǵan. Oǵan bıýdjetten bólingen qarajat mólsheri – 24,5 mlrd teńge. Bul týraly Ortalyq kommýnıkatsııalar qyzmetinde ótken onlaın baspasóz konferentsııasynda aıtyldy, dep habarlaıdy QazAqparat tilshisi.

«Keń dala» nesıe baǵdarlamasy boıynsha 2346 ónerkásip sýbektisine qoldaý kórsetildi. Qoldaýmen qamtylǵan jalpy egistik alqap – 3 mıllıon gektardan astam. Bul jerde jumys júrip jatyr. Al «Qarapaıym zattar ekonomıkasy» baǵdarlamasy boıynsha kóktemgi dala jumystaryn júrgizýge 100 mlrd teńge bólindi. Bul nesıeni alýshylar úshin syıaqy mólsherlemesi - jylyna 6%-dan aspaıdy. Qarajat 12 aıǵa beriledi. Mysaly, qazir sáýir aıyn alatyn bolsaq, endigi sáýir aıyna deıin qaıtarýǵa bolady. Buryn sáýir aıynda alsa, sol jyldyń jeltoqsan aıyna deıin qaıtarý talap etiletin», - deıdi QR Aýyl sharýashylyǵy birinshi vıtse-mınıstri Aıdarbek Saparov.

Ol atalǵan baǵdarlama qarajatyn «Agrarlyq nesıe korporatsııasy» jáne nesıe seriktesteri arqyly, onyń ishinde banktiń kepildigimen alýǵa bolatynyn aıtty.

«Premer-Mınıstrdiń tóraǵalyǵymen ótken memlekettik komıssııa otyrysynda forvardtyq satyp alý mehanızmi maquldandy. Oǵan bıýdjetten bólingen qarajat mólsheri – 24,5 mlrd teńge. Qarjylandyrý aldyn ala tólem jasaý arqyly júzege asyrylady. Mysaly, bıdaı boıynsha aldyn ala tólem - 1 tonna bıdaıǵa aldymen 50 myń teńge tólenedi, odan keıin kúzge qaraı naryqqa baılanysty sol baǵamen qosymsha tólem esepteledi», - deıdi ol.