Fermerlerdiń narazylyǵyn kórsetken BAQ máseleniń sheshilgenin aıtpady – Abaev
«Ázirge bul másele sheshildi, memleket fermerler aldyndaǵy barlyq mindettemelerin oryndaıdy. Jaqynda Úkimet sharýalarǵa shamamen 50 mlrd teńge sýbsıdııa tóleýdi biraýyzdan maquldady. BAQ ókilderiniń bul aqparatty baıqamaǵany qyzyq. Sebebi, munyń artynda on myńdaǵan otbasy tur, nesıeler jabylady, eńbekaqylar tólenedi, túptiń túbinde dúken sórelerine azyq-túlik barady. Olardyń baǵasy turaqtalady. ıAǵnı, bul sýbsıdııa tutas Qazaqstan halqyna áser etedi. Sharýalar narazylyq kórsetkenin bári habarlady. Al Úkimettiń bul máseleni sheshkenin eshkim baıqamady», - dedi mınıstr «Habar» arnasyndaǵy «Ashyq dıalog» baǵdarlamasynda.
Onyń aıtýynsha, 2020 jyldan bastap, sharýalardy sýbsıdııalaý tártibi ózgeredi. Bul ózgertýler fermerlerdi qoldaýǵa ǵana emes, aýyl sharýashylyǵy ınfraqurylymyn, ǵylymı-zertteý jumystaryn jańǵyrtýǵa baǵyttalǵan.
«Máselen, buryn mal satyp alýǵa aqsha bólinse, endi jańa, anaǵurlym beıimdelgen tuqymdardy ósirýge qoldaý kórsetilmek. Eger buryn elevator satyp alýǵa sýbsıdııa berilse, qazir ony jańǵyrtýǵa, jańasha jabdyqtaýǵa mán beriledi. Bul úlken jýrnalıstik jumysqa arqaý bolatyn taqyryp», - dedi D. Abaev.