Fermerler elektrondy portaldarda aqyly negizde jumys isteýge májbúr - Berik Bekjanov
«Sýbsıdııa alýǵa ótinim berý rásimi «Aqparattyq - esepteý ortalyǵy» Aktsıonerlik Qoǵamynyń Qoldau.kz platformasy negizinde júzege asyrylady. Búgingi tańda platformada 218 myń 977 paıdalanýshy tirkelgen. Qoldau.kz sandyq platformasy aqyly negizde jumys isteıdi jáne qyzmet quny alynǵan sýbsıdııa somasyna baılanysty. Máselen, sýbsıdııa somasy 100 myń teńgege deıin bolsa, tólem 3 aılyq eseptik kórsetkishti quraıdy. Bul shamamen 9 myń teńge, 1 mln teńgege deıin – 10 AEK - ti, ıaǵnı 29 myń teńge, al 1 mln teńgeden astam - 11 aılyq eseptik kórsetkish, 32 myń teńge shamasynda tólenýi tıis. Onsyz sharýa sýbsıdııadan qaǵylady. Bizge jáne sharýalarǵa qyzmettiń quny nege sýbsıdııa kólemine baılanysty ekeni túsiniksiz, óıtkeni munda tek ótinim berý rásimdeledi, onyń ózi avtomatty túrde jasalady. Bıyl osy qyzmetti alýshylardyń sany 218 myńnan astam ekendigin eskersek, sandyq platformanyń qansha tabys tabatynyn esepteý qıyn emes», - dedi B. Bekjanov Premer-Mınıstrdiń orynbasary Roman Sklıardyń atyna joldaǵan saýalynda.
Onyń aıtýynsha, sharýalardyń kóptegen shaǵymdary platforma arqyly ótinish berý kezindegi kedergilerge baılanysty. Dıhandar dala jumysyn atqarýdyń ornyna tań atqannan kún batqanǵa deıin kompıýterge úńilip, portalǵa ótinish berý úshin «múmkindikter terezesin» izdeýge májbúr! Biraq «múmkindik terezesiniń» qyzmeti portaldyń ashylý ýaqytyn biletinderge ǵana buıyrady eken. Bul rette agrarshylardyń bıýdjette qarajattyń bolýyna qaramastan aldyn ala ótinimderdi ornalastyrýǵa eshqandaı múmkindigi joq.
«Sondyqtan da halyq arasynda bul júıeni «Qoldau» emes, «Qorlau» degen uǵym qalyptasqan. Budan basqa, mal basyn esepke alý Aýyl sharýashylyǵy mınıstrligi «Aqparattyq-taldaý júıesi» (ATJ) arqyly júzege asyrylady, onda tirkeý úshin sharýa 8500 teńge jáne jańa týǵan nemese satyp alynǵan mal basynyń ár basyna 200 teńge tóleıdi. Biraq sýbsıdııa alý úshin taǵy bir aqparattyq júıege – «sýbsıdııalaýdyń aqparattyq júıesine» (SAJ) ótinim berý arqyly tirkelý qajet. Osylaısha, sharýa maldyń sapasyn jaqsartý men ónimdilikti arttyrýdyń ornyna, aýyldaǵy ınternettiń sapasynyń tómendigine qaramastan «tarydaı shashylǵan» elektrondy portaldardyń qýlyqtaryn túsinýge jáne onymen aqyly negizde jumys jasaýǵa májbúr», - dedi Bekjanov.
Joǵaryda baıandalǵannyń negizinde tıisti usynystar jasaldy:
1) Sandyq platformalar Qoldau.kz, «Aqparattyq-taldaý júıesin» jáne «Sýbsıdııalaýdyń aqparattyq júıesin» bir arnaǵa toǵystyryp, «bir tereze» qaǵıdaty boıynsha jumysyn retteý.
2) Sybaılas jemqorlyq kórinisterin joıý maqsatynda memlekettik kórsetiletin qyzmet standartyna sáıkes, Tsıfrlyq platformanyń jumysyn aqysyz, aldyn ala ótinim berý múmkindigin qarastyra otyryp, tolyq avtomattandyrý.