Fermerler agrotehnıkalyq talaptardy saqtaýy kerek – Premer

ASTANA. QazAqparat – Premer-Mınıstr Álıhan Smaıylov Úkimet otyrysynda ákimdikterge fermerlerdiń agrotehnıkalyq talaptardy saqtaýyn qamtamasyz etýdi tapsyrdy, dep habarlaıdy QazAqparat tilshisi.

«Jalpy, egis jumystarynyń qarqyny jaqsy ekenin atap ótemin. Sondaı-aq, myna máselelerge nazar aýdarǵym keledi.

Birinshi. Aýyl sharýashylyǵy mınıstrligi óńir ákimdikterimen birlesip, fermerlerdiń agrotehnologııalyq talaptardy saqtaýyn qamtamasyz etýi tıis.

Ekinshi. Oblys ákimderi egis alqaptaryn aramshópter men zııankesterge qarsy hımııalyq óńdeý jumystaryn baqylaýǵa alýy kerek. Sonymen qatar ósimdikterdi qorǵaý jónindegi is-sharalar tizbesi men sýbsıdııalaý normatıvterin bekitý kerek», - dedi Álıhan Smaıylov.

Úkimet basyshsynyń aıtýynsha, Aýyl sharýashylyǵy mınıstrligine dıhandardan ýáde etilgen bıdaı kólemin «Azyq-túlik korporatsııasyna» ýaqytyly jetkizýin qamtamasyz etý qajet.

«Oblys ákimdikteri «Qazaqstan Ǵarysh Sapary» kompanııasymen birlesip, jyl sońyna deıin alqaptardy tsıfrlandyrý boıynsha qajetti sharalardy qabyldasyn.

Aýyl sharýashylyǵy mınıstrligi egistik naýqandaryna baılanysty týyndaıtyn barlyq máselelerdi sheshý úshin Respýblıkalyq jedel shtabtyń turaqty jumysyn qamtamasyz etsin», - dedi Premer-Mınıstr.