Fermerge jerinde agrotýrızmmen aınalysýǵa ruqsat berilmek

<p>ASTANA. KAZINFORM &ndash; Halyqaralyq franshızasy bar qonaqúıler úshin jeńildikpen kredıt berý merzimi 7-den 10 jylǵa deıin uzartylmaq. Bul týraly búgin Úkimet otyrysynda Týrızm jáne sport mınıstri Ermek Marjyqpaev aıtty.</p>

«Týrızm salasyn odan ári damytý maqsatynda jyl basynan beri mınıstrlik jańa bastamalardy pysyqtap otyr. Osyndaı bastamalardyń biri qazirdiń ózinde engizildi. Onyń aıasynda halyqaralyq franshızasy bar qonaqúıler úshin jeńildikpen kredıt berý merzimi 7 jyldan 10 jylǵa deıin uzartyldy. Kelesi bastama – fermerlerge óz jerlerinde agrotýrızmmen aınalysýǵa ruqsat berý. Bul arqyly 10 myńnan astam aýyl turǵynyn qosymsha jumyspen qamtýǵa bolady», - dedi ol.

Budan basqa, mınıstr ákimdikterge eldi mekenderden tys jerlerde jáne ulttyq parkter aýmaǵynda týrıstik ınfraqurylym salý jóninde zańnamalyq quzyretter berý boıynsha jumys jalǵasyp jatqanyn aıtty. Atalǵan bastamalardy zańnamalyq deńgeıde bekitý úshin depýtattarmen jumys istelinip jatyr.