«Fenerbahche» klýby janynan Qazaqstan fýtbol akademııasyn ashý jobasy talqylandy

NUR-SULTAN. QazAqparat - 2021 jylǵy 5 sáýirde Nur-Sultan qalasynda Ystambuldaǵy «Abai Üii» mádenı iskerlik úıiniń jetekshisi Dınchtýrk Serkan men Túrkııanyń Fenerbahce klýby janyndaǵy Qazaqstan fýtbol akademııasynyń bas úılestirýshisi Výrgýn Selım «Dúnıejúzi qazaqtarynyń qaýymdastyǵy» RQB men «Otandastar qory» KeAQ ókilderimen kezdesti.

Taraptar Fenerbahce sport klýby janynan Qazaqstan fýtbol akademııasyn ashý jobasyn talqylap,birlesken is-sharalar josparyn pysyqtady.

Fýtbol akademııasynyń ókilderi atalǵan jobanyń basty maqsaty – Qazaqstannyń talantty jastarynyń kásibı sheberligin arttyryp, álemdik fýtbol komandalaryna tartý. Daryndy jastardy Eýropa memleketteri men Túrkııaǵa shaqyrý múmkindigi qarastyrylǵan. Qazaqstan balalary Túrkııanyń jazǵy sport lagerlerine baryp, umytylmas áser ala alady. Sapar barysynda sporttyq jattyǵýlarǵa, fýtbolshylarmen tanysýǵa jáne Fenerbahce stadıonynda ótkiziletin sporttyq is-sharalarǵa qatysýǵa múmkindik jasalady. Jas sportshylardyń jattyǵý sabaqtary aǵylshyn tilinde júrgiziletin bolady.

Túrkııanyń tanymal fýtbolshysy Mesýt Ozıldiń qoltańbasy qoıylǵan klýb jeıdesi «Otandastar qory» men «Dúnıejúzi qazaqtarynyń qaýymdastyǵyna» syıǵa tartyldy.