Fýtboldan Qazaqstan ulttyq quramasynyń oıynshysy Baqtıer Zaınýtdınov 2024 jylǵy Eýropa birinshiliginiń irikteý týrnırinde San-Marıno jáne Slovenııamen ótetin matchtarǵa qatysa almaıdy, dep habarlaıdy Kazinform.
Qazaqstan fýtbol federatsııasynyń baspasóz qyzmetinen málim etkendeı, Baqtıer «Beshıktash» – «Ystambul Bashakshehır» matchynda muryn súıegi men kóz uıasynyń negizin syndyryp alǵan.
Onyń emdelýine keminde 2-3 apta ýaqyt ketedi.
«Jospar boıynsha Baqtıer Zaınýtdınov ulttyq qurama sapyna búgin qosylýy kerek bolatyn. Ókinishke qaraı, oqý-jattyǵý jıynyna jáne sheshýshi eki oıynǵa bara almaıdy. Bárimiz Bahaǵa bar qoldaýymyzdy kórsetip, tezirek saýyǵyp ketkenin tileıik, dostar!» dep jazady federatsııanyń baspasóz qyzmeti.
Eske sala keteıik, budan buryn Zaınýtdınovqa resmı túrde dıagnoz qoıylyp, ota jasalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).