Farmatsevtıka salasyndaǵy óndiris kólemi 38 paıyzǵa artty

NUR-SULTAN. QazAqparat – Bıyl farmatsevtıka ónerkásibinde óndiris artty. Bul týraly Úkimet otyrysynda jeti aıdaǵy áleýmettik-ekonomıkalyq damýdy talqylaý kezinde QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Farmatsevtıka ónerkásibinde halyqtyń dárilik zattar men medıtsınalyq buıymdarǵa suranysynyń artýy esebinen óndiris kólemi 38,9% artty. Jeńil ónerkásipte óndiris 5,4% ósti. Oǵan kıim (+18,7%) jáne bylǵary ónimder óndirisiniń (+7,9%) ulǵaıýy oń áser etti. Dezınfektsııalyq quraldar men mıneraldyq tyńaıtqyshtarǵa suranystyń artýy hımııa ónerkásibiniń óndiris kólemin arttyrdy. Ósim 1,9% qurady», - dedi Q. Óskenbaev.

Onyń aıtýynsha, qurylys materıaldary óndirisi 113,2% boldy. Oǵan jylý oqshaýlaǵysh materıaldar (1,6 esege), portland-tsement (+24,7%), gıps (+43,4%), kirpishter (2,3 esege) jáne qurylys eritindileri (+26,3%) óndirisiniń artýy esebinen qol jetkizildi.