Facebook-tiń burynǵy qyzmetkeri kompanııadan 4 mln dollar urlap, ony sán-saltanatqa jumsaǵan

<p>Facebook-ty ártaraptandyrý boıynsha burynǵy maman Barbara Ferloý-Smaıls áleýmettik jeliden 4 mln-nan astam dollar úrlap, ony Kalıfornııa men Djordjııadaǵy sán-saltanatqa jumsady. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://www.cnbc.com/2023/12/13/former-facebook-diversity-leader-pleads-guilty-to-fraud.html" target="_blank" rel="noopener">CNBC</a>-ke silteme jasap habarlaıdy.&nbsp;</p>

AQSh prokýratýrasynan habarlaǵandaı, Barbara Ferloý-Smaıls aqshany bireýdiń ornyna qoıylǵan jetkizýshi tulǵalar, jalǵan alymdar men qolma-qol aqshany qaıtaryp alýdy qamtıtyn kúrdeli shema arqyly urlady.

Ol sondaı-aq PayPal, Venmo jáne Cash App esep jazbalaryn Facebook-tyń ózine qoljetimdi bolǵan nesıe kartalarymen baılanystyryp, kompanııaǵa is júzinde usynylmaǵan taýarlar men qyzmetter úshin sol arqyly tóledi, sodan keıin keri qaıtarym alǵan. Ol aqshany jeke qajettilikterine de jumsady – áıel shashtaraz qyzmetteri jáne balabaqshadaǵy oqý aqysyn osy kartalarmen tólegen.

Prokýrorlardyń aıtýynsha, Ferloý-Smaılz tólem jasaý úshin qymbattatylǵan shottar qurdy, al jetkizýshiler tólemniń bir bóligin Ferloý-Smaılzǵa qaıtarǵan.

Barbara Ferloý-Smaılzǵa qatysty sot úkimi 2024 jyldyń 19 naýryzynda shyǵarylady.