Facebook-te barlyq polıtsııa basshylarynyń jeke akkaýnty ashyldy - Erlan Turǵymbaev

NUR-SULTAN. QazAqparat – Búgin Senatta «Polıtsııanyń servıstik modelin zańnamalyq qamtamasyz etý jáne QR ІІM-in beıindi emes fýnktsııalardan bosatý» taqyrybyndaǵy Úkimet saǵatynda Іshki ister mınıstri Erlan Turǵymbaev vedomstvoda atqarylǵan jumysty baıandady, dep habarlaıdy QazAqparat tilshisi.

«Memleket basshysy quqyq qorǵaý organdarynyń jumysyna jańa talaptar qoıdy. Іshki ister organdaryn reformalaýdy 2019 jyly Elbasy usyndy. Soǵan baılanysty arnaıy Jol kartasy qabyldandy. Birinshiden, ishki ister organdarynyń shtat sany 11 paıyzǵa qysqardy. Qajet emes 1483 basqarýshy laýazymdar joıyldy. Ekinshiden, polıtsııa servıstik modelge kóshti. «Global Peace Index» reıtıngi boıynsha Qazaqstan qaýipsizdik jaǵynan 163 memleket arasynda 70-shi orynda. Al, Táýelsiz Memleketter Dostastyǵy elderi ishinde 1-shi oryn aldy», - dedi E. Turǵymbaev.

Onyń aıtýynsha, saýalnama aıasynda azamattardyń 37 paıyzy polıtsııaǵa tolyq, 38 paıyzy jartylaı senetindigi anyqtaldy.

«Prezıdenttiń tapsyrmasy boıynsha «halyqqa qulaq asatyn memleket» qaǵıdasyn iske asyrý úshin azamattardy qabyldaý tártibi ózgerdi. Barlyq qala men aýdandarda 252 «Azamattardy qabyldaý» beketteri quryldy. Onda quqyqtyq jáne konsýltatıvti kómek beriledi. «Joldaǵy qabyldaý», «Aýladaǵy qabyldaý» aktsııalary turaqty túrde uıymdastyrylýda. 2020 jyly 361 myń konsýltatsııa berildi, 205 myń ótinish qaraldy. Áleýmettik jelilermen jumys kúsheıtildi. Feısbýkte barlyq polıtsııa basshylarynyń jeke akkaýnttary ashyldy. Osy oraıda aýdandyq basshylardan bastap departament basshylaryna deıin qamtyldy. Ýchaskelik ınspektorlar turǵyndardyń chatyna qosyldy. Halyqqa kúnde aqparat berý úshin vedomstvalyq polisia.kz saıty men telestýdııa iske qosyldy». – dedi Erlan Turǵymbaev.