Facebook kompanııasyn bólý usynyldy - The New York Times

NUR-SULTAN. QazAqparat - Facebook kompanııasynyń negizin qalaýshylardyń biri Krıs Hıýz federaldy organdarǵa áleýmettik jeli basshysynyń tym bedeldi ekenin aıtyp, tehnologııalyq alyp kompanııany bólýdi usyndy, dep jazady The New York Times basylymy.

«Kompanııanyń bas dırektory Mark Tsýkerberg óte bedeldi jáne kompanııa tıimdi monopolııaǵa aınaldy», - deıdi Garvardta Tsýkerbergpen birge kórshi turǵan Hıýz.

«35 jastaǵy Hıýz Facebook kompanııasy quryla bastaǵannan bastap kómektesken jáne áleýmettik jelidegi negizgi ónimderdi qurastyrǵan. Ol kompanııadan 2007 jyly ketip, Barak Obamanyń prezıdenttik kampanııasyna qosyldy. Al 2012 jyly Facebook aktsııalarynan bas tartty», dep jazady basylym. Avtordyń jazýynsha, Hıýz Feısbýk Instagram men WhatsApp qosymshalaryn satyp alǵan kezde sóz bostandyǵyna qaýip tónip, básekeles ınnovatsııalardy joıyp jatqanyn túsingenin aıtqan. Sondaı-aq, Hıýz Mark Tsýkerbergtiń eki mıllıard adamǵa sózin ótkize alatynyna alańdaýshylyq bildirgen.

«Tsýkerbergti eshbir kompanııa, eshbir organ, tipti Úkimet te baqylamaıdy. Sol sebepti de ol tym bedeldi» deı kele Hıýz Facebook kompanııasynyń basym bolýy ınnovatsııalar men básekelesterin ysyryp, tutynýshylarǵa qaýip tóndirýi múmkin ekenin jazǵan.

«Sol sebepti kompanııany bólý kerek», - deıdi Hıýz.