Facebook Holokostty moıyndamaıtyn mátinge tyıym salatyn jańa erejeler engizedi
20:30, 13 Qazan 2020
KALIFORNIıA. QazAqparat. – Facebook áleýmettik jelisi alǵash ret Holokost oqıǵalaryn teriske shyǵaratyn nemese burmalaıtyn mazmundaǵy mátinderdi jarııalaýǵa tyıym salatyn jańa erejeler engizdi, dep habarlaıdy QazAqparat BBC-ge silteme jasap.
Jańa erejelerge sáıkes, Holokost oqıǵalaryn joqqa shyǵaratyn nemese burmalaıtyn kez kelgen mátindi Facebook áleýmettik jelisinde jarııalaýǵa tyıym salynady. Eger mundaı mazmun jarııalansa, olar avtomatty túrde joıylyp otyrady. Facebook-tiń negizin qalaýshy, evreı ultynyń ókili Mark Tsýkerberg Holokostty joqqa shyǵaratyn adamdardyń bar ekendigi kóńilge qaıaý túsiretinin aıtqan Recode-ge bergen suhbatynda. Osy kezge deıin mundaı mándegi mátinder áleýmettik jelide erkin jarııalanyp kelgen. Sóıtip bul paıdalanýshylardyń arasynda jaǵymsyz áser týdyrǵan. Holokost oqıǵalaryn joqqa shyǵaratyn nemese burmalaıtyn mátinderge tyıym salý týraly jańalyqqa Dúnıejúzilik Evreı Kongresi de jaýap qatty. Kongress kompanııanyń bul sheshimin quptady.