«Eır Qazaqstan» áýe kompanııasy úshin 10 ushaq satyp alynady

ASTANA. QazAqparat - «Samuryq-Qazyna» qory «Bombardier» kompanııasymen on ushaqqa seriktestik kelisimin bekitti. Bul ushaqtar óńiraralyq áýe jelilerinde paıdalanylady.

Búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Samuryq-Qazyna» AQ Basqarma tóraǵasy Ómirzaq Shókeev osylaı málim etti.

Atap aıtqanda, bul ushaqtardy qordyń quramyndaǵy ekinshi otandyq áýe kompanııasy - «Eır Qazaqstan» paıdalanady.

«Ushaqtardyń qaýipsizdigi boıynsha áýe kompanııalaryna degen talap kúsheıip keledi, alaıda otandyq kompanııalar bul talaptardy oryndamaıtyn jaǵdaılar kezdesýde»,-dep atap ótti ol.

Basqarma tóraǵasy Elbasynyń tapsyrmasy boıynsha ekinshi otandyq áýe kompanııasyn qurý qadamy jasalǵanyn jetkizdi.

Onyń sózine qaraǵanda, qor «Eır Astana» men «Eır Qazaqstan» kompanııalarynyń aktsıoneri bolǵandyqtan osy eki áýe kompanııasy seriktestik negizinde jumys isteıtin bolady.

Ó. Shókeevtiń paıymynsha, jańa áýe kompanııasy mamyrda tirkeýden ótetin bolady. Jyl sońyna deıin oǵan tıisti 10 ushaq jetkizilmek. Jalpy kompanııa aldaǵy jyldyń basynan bastap áýe saparlaryn júzege asyrmaq.