«Eır Astana» maýsym aıynda Tegeran jáne Almaty arasynda tikeleı áýe qatynasyn ashady
«Atalǵan qujatqa sáıkes, «Eır Astana» áýe kompanııasy 2016 jyldyń maýsym aıynan bastap Tegeran jáne Almaty arasynda jıiligi aptasyna 3 ret týra áýe qatynastary ornatady», dep habarlaıdy QR Investıtsııalar jáne damý mınıstrliginiń baspasóz qyzmeti.
QR Investıtsııalar jáne damý mınıstrligi Azamattyq avıatsııa komıteti tóraǵasynyń orynbasary Talǵat Lastaev jáne «Eır Astana» áýekompanııasy Prezıdentiniń orynbasary Erbol Ospanov basqarǵan qazaqstandyq delegatsııa Irannyń avıatsııalyq basqarýshy uıymymen jaqyn arada Tegeran jáne Astana arasynda tikeleı áýe qatynasynyń ashylýy jóninde kelissózder ótkizdi. Qazirgi ýaqytta, ırandyq «Mahan Eır» áýe kompanııasy Tegeran jáne Almaty qalalary arasynda aptasyna 2 ret ushýda.
QR Irandaǵy Elshisi Baǵdad Ámireev atalǵan qujat 2015 jyly 14 shildedegi Vena qalasynda ırandyq ıadrolyq baǵdarlama boıynsha Birlesken áreketter josparynynyń bekitilýine Qazaqstan úles qosqan ýaǵdalastyqqa sáıkes Iranǵa qoldanylǵan halyqaralyq jáne birjaqty sanktsııalardyń toqtatylýynan keıingi Irannyń sheteldik memlekettermen qol qoıǵan eń birinshi qujaty bolyp tabylatynyn atap ótti.