«Eır Astana» Bakýde jańa Stop Over týrıstik baǵdarlamasyn tanystyrdy
Sharaǵa Qazaqstannyń Ázerbaıjandaǵy Tótenshe jáne Ókiletti Elshisi Amangeldi Jumabaev, «Eır Astana AQ-nyń úkimettik, zańnamalyq jáne qaýipsizdik máseleleri boıynsha aǵa vıtse-prezıdenti Erbol Ospanov, qoǵamdastyqpen baılanys jónindegi vıtse-prezıdent Bella Tormysheva, TMD-da satý jónindegi dırektory Serik Rys-Uly men Ázerbaıjandaǵy óńirlik menedjer Ǵalymjan Seıilbaev qatysty.
Tańǵy as barysynda BAQ ókilderi «Eır Astana» qyzmetiniń negizgi aspektilerimen, Stop Over Holidays tranzıttik jolaýshylaryna arnalǵan jańa týrıstik baǵdarlamasymen tanysty.
Avıakompanııanyń TMD-daǵy satý jónindegi dırektor Serik Rys-Ulynyń aıtýynsha, kompanııa men Ázerbaıjan arasynda senimdi áriptestik jáne dostyq qatynas baıaǵyda qalyptasqan. 2013 jyly «Eır Astana» kompanııasymen Almaty-Baký, Astana-Baký baǵyty boıynsha 44 400, 2014 jyly 46 869 jolaýshy tasymaldandy.
«Búginde Bangkok, Beıjiń, Kýala-Lýmpýr, Seýl, Úrimshi jáne Bishkek arqyly jolaýshylardy usyna otyryp yntymaqtastyqty nyǵaıtyp, Stop Over arnaıy týrıstik baǵdarlamasyn iske asyrǵymyz keledi», - dedi ol.
Stop Over Holidays baǵdarlamasy Astana men Almaty arqyly júretin halyqaralyq tranzıttik jolaýshylarǵa arnalǵan. Stop Over paketi qonaqúıge ornalasý, tańǵy as, tegin SIM-karta, maýsymǵa qaraı túrli ekskýrssııa, Astana, Almaty qalalarynyń úzdik meıramhanalaryn qamtıdy.
Avıakompanııa 2002 jyldan beri ushyrylymdy júzege asyryp keledi, búginde batysta shyǵarylǵan 30 ushaqtan turatyn áýe kemelerine arnalǵan parki bar. Kompanııanyń marshrýttyq jelisi 60-tan astam halyqaralyq, óńirlik baǵytty qamtıdy.
Almaty-Baký baǵyty boıynsha ushyrylymdar maýsymdyq charterlik reıs retinde 2009 jyly ashyldy. Suranystyń artýyna oraı, 2012 jyly Astana-Baký reısi iske qosyldy. Búginde «Eır Astana» Astana men Almatyda 3 reısti júzege asyrady. Kóktemgi-jazǵy kezeńde reıs sanyn aptasyna 8-ge deıin ulǵaıtý josparlanýda.