«Eır Astana» áýe kompanııasy jańa ushaqtar aldy

ASTANA. QazAqparat – QR Indýstrııa jáne ınfraqurylymdyq damý mınıstrliginiń avıatsııa komıteti qazaqstandyń áýe kompanııalarymen birge jańa ushaqtar satyp alý, tasymal kólemin arttyrý men reısteriń keshigýiniń aldyn alý jumystaryn jaǵastyrý ústinde.

Bul týraly QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap habarlaıdy.

15 qazan kúni túnde «Eır Astana» kompanııasynyń «A321LR» ushaǵy jetkizildi. Atalǵan ushaqtyń 166 kreslosy (15 bıznes, 15 ekonom klass) bar. Aldaǵy ýaqytta áýe kompanııasyna osyndaı ushaqtardyń 28-i jetkiziledi. Onyń 9-y «A321LR» modeli bolady.

Bul ushaqtar áýe kompanııasynyń tasymal múmkindigin arttyryp, ushaq bıletteriniń qunynyń qoljetimdi bolýyna jáne ushý kestesiniń ýaqytynan aýytqymaýyna yqpal etedi.

Sonymen qatar, jyl sońyna deıin otandyq turauty tasymaldaýshylardyń parkine taǵy 7 ushaq qosylady. Osynyń arqasynda qazaqstandyq áýe kompanııalarynyń syıymdylyǵy 20%-ke artady. Sondaı-aq ol reısterdiń der kezinde oryndalýyn qamtamasyz etedi.

«Qazaqstan áýe kompanııalarynyń áýe kemeler parkin keńeıtý boıynsha jumys jalǵasýda jáne bul jumystar QR IIDM Azamattyq avıatsııa komıtetiniń turaqty baqylaýynda»,-delingen habarlamada.