«Eır Astana» aktsııalary AHQO bırjasynda mamyr aıynda satyla bastaıdy

ASTANA. KAZINFORM - QR Qarjy mınıstrligi úsh iri kompanııa - «Air Astana», «QazMunaıGaz» ulttyq kompanııasy men «Qazaqtelekomǵa» qatysty IPO merzimin aıqyndady. Bul týraly Astana halyqaralyq bırjasynyń (AIX) basqarma tóraǵasy Tım Bennett málim etti, dep habarlaıdy QazAqparat tilshisi.

«Qazaqstan Respýblıkasynyń qarjy mınıstrligi bir aı buryn «Qazaqtelekom» IPO-ǵa osy jyldyń mamyrynda, al «Air Astana» qazan nemese qarashada, «QazMunaıGaz» - 2020 jyldyń ekinshi toqsanynda shyǵatynyn aıqyndady», - dedi Tım Bennett Astanada ótken baspasóz máslıhatynda.

Onyń aıtýyna qaraǵanda, qazirgi tańda daıyndyq jumystary júrip jatyr. Sonymen birge, AIX basshysy bırjaǵa aktsııalardy shyǵarmas buryn naryq sharttary men ınvestıtsııa boıynsha qyzyǵýshylyqty esepke alý kerektigin aıtty.

«Naryq pen kapıtalda sońǵy alty aıda aýytqý kóp boldy. Sol sebepti bul IPO bıyl ótkenin qalap otyrmyz. Alaıda, atalmysh kompanııalardyń múddesine qaraı lıstıng bıyl júrgizilmeýi de múmkin», - deıdi ol.

Eske sala ketsek, byltyr qarasha aıynda Elbasy Nursultan Nazarbaevtyń qatysýymen «Astana» halyqaralyq qarjy ortalyǵy bırjasynyń alǵashqy saýda-sattyǵy iske qosylǵan bolatyn.