Eıfel munarasynyń órtenip jatqany ras pa?

<p>PARIJ. KAZINFORM - Áleýmettik jelidegi otqa oranǵan Eıfel munarasynyń sýreti kópshiliktiń úreıin týdyrdy. Bul ras pa? Bul týraly <a href="https://ru.euronews.com/my-europe/2024/01/25/cube-paris-effel-fire" target="_blank" rel="noopener">Euronews </a>habarlaıdy.</p>

Eıfel munarasy órtenip jatyr ma? Áleýmettik jelilerde Parıjdegi kórnekti eskertkishtiń jalynǵa oranǵany beınelengen sýretter paıda boldy. Olar mıllıondaǵan qaralym jınap, myńdaǵan pikirler men laıktarǵa ıe boldy. Biraq bul beıneler shynaıy ma, anyqtap kóreıik.

TikTok-ta, odan keıin X-te paıda bolǵan myna vıdeoda Parıjdegi Eıfel munarasynyń órtenip jatqany kórsetilgen jáne ar jaǵynda tótenshe jaǵdaılar qyzmetiniń sırenalary estiledi.

Vıdeo 7 mıllıonǵa jýyq qaralym jınap, oqyrman tarapynan qurban bolǵandar bar-joǵyn suraǵan suraqtyń astynda qaldy.

Zardap shekkender joq, sebebi vıdeolar men fotosýretter shynaıy emes.

Ony Eıfel munarasynyń túrli onlaın translıatsııalarynan baıqaýǵa bolady. Onda eshqandaı órt te, órttiń belgisi de joq.

Eıfel munarasynyń resmı saıtynda da eshqandaı aqparat berilmegen.

Shyn máninde bul vıdeo YouTube saıtynda ótken jyly paıda bolǵan. Onyń taqyrybyna qarasańyz, onyń VFX (vızýaldy effektiler) jáne CGI (kompıýterde jasalǵan keskinder) ekenin kóresiz.