Evakýatsııa, bóget bekitý, azyq-túlik jetkizý: Atyraýda volonterler shtaby quryldy

<p>ASTANA. KAZINFORM &ndash; Atyraý oblysynda sý tasqynymen kúres jumystaryna volonterlerdi jumyldyrý maqsatynda arnaıy shtab quryldy.&nbsp;</p>

Volonterlerdiń jumysy týraly Atyraý oblysynyń eriktiler front ofısiniń basshysy Aqbóbek Táttibekqyzy aıtyp berdi. 

Onyń sózinshe, volonterler sýǵa ketken aýdan turǵyndaryn Atyraý qalasyna evakýtsııalaýǵa, bógetterdi bekitý jumystary men gýmanıtarlyq kómek retinde kelgen taýarlar men zattardy suryptaý sekildi birneshe qyzmetti atqaryp jatyr. 

«Qazir volonterler birneshe baǵytta kezekshilikpen jumys istep jatyr. Sondaı-aq óńirdegi kásipkerlerdiń qoldaýymen túski as, kómek qajet jerge jóneltý úshin avtobýstar bólindi. Atyraýda tótenshe jaǵdaı jarııalanǵaly beri 10 000-ǵa jýyq volonter qyzmette júr. Sonymen qatar basqa óńirlerdegi volonterler de bizge kómek kórsetýde», - dedi Aqbóbek Táttibekqyzy Ortalyq kommýnıkatsııalar qyzmeti alańynda ótken baspasóz máslıhatynda. 

Buǵan deıin sý tasqynynyń aldyn alý men saldaryn joıýǵa Aqtóbe oblysyna 8,5 myńnan astam volonterdiń tartylǵany týraly habarlaǵan edik.