EUÝ óz jer serigin ǵaryshqa shyǵarmaq
Bizdiń maqsat - ǵaryshqa ózimizdiń alǵashqy jerserigin jasap, shyǵarý. Eń bastysy biz ony basqa jaqtan satyp almaı, ózimiz jasaımyz, - dedi EUÝ rektory Erlan Sydyqov óziniń halyqpen eseptik kezdesýinde.
Sonymen qatar rektor «ǵaryshtyq tehnıka men tehnologııa» kafedrasynyń magıstranttary men mamandary ǵaryshtyq keńistik monıtorıngi jóninde kásiptik deńgeıde tolyqtaı jumys júrgizýde dep atap ótti.
Ýnıversıtet maqsaty - ǵaryshtyq saladaǵy ámbebap maman daıyndaý. Bul jóninde Elbasy: «Qazaqstan ǵaryshtyq derjava bolý kerek. Bul úshin úlken qarajat bólingen, eń úzdik degen mamandar tartylýda jáne memlekettik qurylymdar jasalýda» degen, - dep atap ótti Erlan Battashuly.
Taǵy bir toqtalar jaıt, 2015 jyldan bastap ýnıversıtet «Ǵaryshtyq tehnıka men tehnologııa» jáne «Qurylys materıaldarynyń buıymdary men konstrýktsııasyn jasap shyǵarý» mamandyqtary boıynsha magıstranttar daıarlaýda.
Bıyl taǵy 3 mamandyq: «Bıotehnologııa», «Radıotehnıka, elektronıka jáne telekommýnıkatsııa», «Jylý energetıkasy» ashyldy.
Jalpy somasy 449 104,0 teńgeni quraıtyn «Qurylys materıaldary men buıymdarynyń zerthanasy» jáne «Kishi ǵaryshtyq apparattar zerthanasy» atty 2 zerthana quryldy. Bul qurylymdyq bólimsheler zamanaýı qural-jabdyqtarmen jabdyqtalǵan. Qural-jabdyqtardy pánaralyq ǵylymdarda: fızıka, nanotehnologııa, fızıkalyq jáne analıtıkalyq hımııa, bıotehnologııa salasynda qoldanýǵa bolady.
Jyl sońyna deıin taǵy eki zerthana ashý josparda bar. Bul mamandyqtarda 568 magıstrant bilim alady. Bul mamandyqtar boıynsha álemdik standarttarǵa sáıkes tájirıbege baǵyttalǵan oqý baǵdarlamasy qurastyrylǵan. Oqý baǵdarlamasyn júzege asyrý úshin Germanııa, Ońtústik Koreıa, Polsha, Túrkııa jáne Qytaıdyń seriktes ýnıversıtetterinen mamandar jumyldyrylǵan.