EUÝ-da Nobel syılyǵynyń tórt laýreaty dáris oqıdy

ASTANA. 3 mamyr. QazAqparat - Erteń, 4 mamyr kúni Lev Gýmılev atyndaǵy Eýrazııa ulttyq ýnıversıtetinde, ІV Astanalyq ekonomıkalyq forým jáne Nobel syılyǵynyń laýreaty sharasy aıasynda «Іskerlik kópir - jastar úshin ınnovatsııalyq bolashaq» atty halyqaralyq konferentsııa ótedi,

dep habarlady ýnıversıtettiń baspasóz ortalyǵy.

Jıynǵa 1994 jylǵy ekonomıka salasy boıynsha Nobel syılyǵynyń laýreaty Djon Nesh, 2006 jylǵy hımııa salasy boıynsha Nobel syılyǵynyń laýreaty, Stendford ýnıversıtetiniń professory Rodjer Kornberg, 1996 jylǵy ekonomıka salasy boıynsha Nobel syılyǵynyń laýreaty Ser Djeıms Mırrlıs (dáris taqyryby: «Ne sebepti quldyraý bolady jáne onymen qalaı kúresý kerek?»), sonymen qatar, 2005 jylǵy ekonomıka salasy boıynsha Nobel syılyǵynyń laýreaty Robert Aýmann (dáris taqyryby: «Oıyn teorııasy: aýktsıon, jol qozǵalys uıymy, saılaýlar, arbıtraj, sáıkesinshe jumystar jáne aktıv bólinisi syndy «oıyn erejesi» birden anyqtalǵan tájirıbede qoldanylatyn oıyndardy talqylaý») qatysady.

5-mamyr kúni EUÝ oqytýshy-professorlary men stýdentteri aldynda esimderi atalǵan tórt birdeı Nobel syılyǵynyń laýreaty túrli taqyryptarda dáris oqyp, stýdenttermen pikir alysady.

Mártebeli ǵalymdardyń dáristerin tek qana EUÝ stýdentteri ǵana emes, elimizdiń 16 ýnıversıtetiniń oqytýshy-professorlary men stýdentteri tikeleı efır arqyly tamashalaı alady.