Eýropol: Jankeshti áıelder sany artyp keledi

BRıÝSSELЬ. QazAqparat - Eýropada jasalatyn terrorıstik aktilerdi uıymdastyrýda áıel azamattarǵa erekshe mańyz berilip otyr. Buǵan eýropalyq polıtsııa agenttiginiń beısenbi kúni jarııalaǵan «EO-taǵy terrorızm: jaǵdaı men úrdister» atty baıandamasynan belgili boldy, dep habarlaıdy QazAqparat.

«EO aımaǵynda bolatyn terrorıstik áreketter barysynda áıelder, jastar tipti balalardyń ózderine erekshe mańyz berilýde»,-delingen habarlamada.

Ótken jyly terrorıstik áreket úshin tutqyndalǵan árbir adamnyń tórtinshisi (26%) áıel azamat bolǵan. 2015 jyly bul kórsetkish 18 protsentti quraǵan edi.

«Batysta erlerge qaraǵanda, jıhadshy-áıelder úshin teraktiler uıymdastyrý jolynda kedergi az. Al, áıelder tarapynan oryndalǵan terrorıstik áreketter ózgeler elderdiń ókilderin de yntalandyra túsýi múmkin»,-delingen qujatta.

Baıandama avtorlarynyń málimdeýinshe, ózge terrorıstik uıymdardaǵy sııaqty DAISh ıdeologııasy boıynsha da ózin-ózi qorǵaý maqsatynda bolmasa áıelder soǵys áreketterinen bosatylǵan, degenmen olardyń osy soǵystarǵa qatysýyna tikeleı tyıym salynyp otyrǵan joq.