Eýroparlamenttiń COVID-19 pandemııasy jónindegi arnaıy komıteti quryldy
Seısenbi kúni Eýroparlamenttiń arnaıy komıteti tóraıymy laýazymyna Belgııa depýtaty Ketlın Van Bremp (Sotsıalıster men demokrattardyń progressıvti alıansy), sondaı-aq onyń tórt orynbasaryn saılandy. Al onyń músheliginde 38 adam bar. Komıtet quryltaı jınalysy ótken kúnnen bastap 12 aı boıy jumys isteıdi jáne onyń músheleriniń ókilettigi uzartylýy múmkin.
Jańa komıtettiń mindeti - Eýropanyń COVID-19 pandemııasyna reaktsııasyn zertteý. Qaýipti vırýspen kúreste jınaqtalǵan tájirıbe Eýropalyq odaqtyń túrli salalardaǵy bolashaq is-áreketterine septigin tıgizedi.
Arnaıy komıtet jumysynyń kóp bóligi pandemııamen baılanysty tórt salaǵa baǵyttalǵan: densaýlyq saqtaý, demokratııa jáne negizgi quqyqtar boıynsha kelisilgen jaýap, áleýmettik jáne ekonomıkalyq áserleri, EO-nyń basqa eldermen qarym-qatynasy.