Eýroparlament Túrkııadaǵy bosqyndar úshin qosymsha €485 mln bóldi

BRıÝSSELЬ. QazAqparat- Eýropalyq parlament (EP) Túrkııadaǵy bosqyndarǵa qoldaý kórsetý úshin qosymsha 485 mln eýro bólýge sheshim qabyldady, dep habarlaıdy Anadoly agenttigi.

Bul sheshim juma kúni Brıýsselde Eýroparlamenttiń otyrysynda qabyldandy.

Eýroparlament Túrkııada, Iordanııa men Lıvandaǵy bosqyndardyń qajettiligine qosymsha qarajat bólýdi maquldady.
Sheshimdi qabyldaýǵa 557 depýtat daýys berse, 72-si qarsy, al 59-y qalys qaldy.
Qarjy bosqyndardy áleýmettik beıimdeýge jáne olardyń balalaryna oqytýǵa jaratylatyn bolady.

100 mln eýro Iordanııa men Lıvanǵa bosqyndarǵa bilim berýge jáne medıtsınalyq qyzmetke bólinedi.

Atalǵan sheshim Eýroodaqqa múshe elder maquldaǵan jaǵdaıda kúshine enedi.