Eýroparlament depýtattary jyl saıyn ýaqyttyń bir saǵatqa jyljýyn toqtatqysy keledi

<p>ASTANA. KAZINFORM &ndash; Brıýssel talaı jyl boıy ýaqyttyń qysta jáne jaz kezinde turaqty aýysyp otyrýyn toqtatýǵa ýáde berip kelgen. Eýroparlamenttiń 66 depýtaty Eýrokomıssııa basshysy Ýrsýla fon der Lıaıenge bul ýádeni túpkilikti oryndaý týraly talap joldady, dep habarlaıdy Kazinform agenttigi&nbsp;<a href="https://t.me/BILD_Russian" target="_blank" rel="noopener">BILD</a>-ke silteme jasap.</p>

 

«Zertteýler kórsetkendeı, ýaqyttyń ózgerýi uıqy rejımine teris áser etedi, ınfarkt pen ınsýlt qaýpin arttyrady jáne jol-kólik oqıǵalary sanynyń kóbeıýine ákelip soǵady. Energııany únemdeýge qatysty jasalǵan zertteýlerdiń boljamy da múldem negizsiz bolyp shyqty», - delingen depýtattardyń hatynda.

2018 jyly júrgizilgen saýalnama EO azamattarynyń 84%-y ýaqyttyń ózgerýinen sharshaǵanyn kórsetti. Eýroparlament ýaqyttyń ózgerýin toqtatýdy qoldap daýys berdi, al EO-nyń sol kezdegi basshysy Jan-Klod ıÝnker bul sheshimdi oryndaýǵa ýáde berdi.

Ýrsýla fon der Lıaıen 2019 jyldyń jeltoqsanynda ıÝnkerdiń ornyna kelgen kezde bul ýáde áli oryndalmaı turdy. Pandemııa jáne ulttyq úkimetter deńgeıindegi bıýrokrattardyń baıaýlyǵy buǵan kedergi boldy. Qazir ýaqytqa qatysty másele taǵy eske alynyp otyr.

Osyǵan deıin Eýroodaq Taıaý Shyǵystaǵy qaqtyǵysta 130-ǵa jýyq jýrnalıstiń óltirilgenin aıyptaǵany týraly jazdyq.