Eýroparlament delegatsııasynyń basshysy: EO – Qazaqstannyń asa iri seriktesiniń biri

ASTANA. QazAqparat - Búgin Astanada Qazaqstan Respýblıkasyndaǵy Adam quqyqtary jónindegi ýákili Asqar Shákirov Mońǵolııa men Túrkimenstan, Tájikstanmen baılanysy jáne Ózbekstan, Qyrǵyzstan, Qazaqstanmen yntymaqtastyǵy jónindegi delegatsııasynyń tóraǵasy bolyp tabylatyn Eýropalyq Parlamentiniń depýtaty Iveta Grıgýlemen kezdesti.

Bul týraly QR Adam quqyqtary jónindegi ýákil apparatynyń baspasóz qyzmetinen habarlady.

Kezdesý barysynda azamattardyń quqyqtaryn qamtamasyz etý salasynda Qazaqstan men Eýropalyq odaq arasyndaǵy yntymaqtastyq máselesi jóninde tyńǵylyqty pikir almasý bolyp ótti.

A. Shákirov Grıgýle hanymǵa eldiń aǵymdaǵy jaǵdaıy jaıynda, ol basqaryp otyrǵan mekemeniń qyzmeti, onyń negizgi túrleri men ádisteri, sondaı-aq basym baǵyttary jóninde aqparat berdi.

- Mysaly, Qazaqstandaǵy azaptaýǵa qarsy Ulttyq aldyn alý tetiginiń sheńberinde eldegi barlyq jabyq nysandy mekemelerindegi azaptaýlardy joıýǵa baǵyttalǵan, Adam quqyqtary jónindegi ýákiliniń úılestirý arqyly azamattyq qoǵam men memlekettik organdarynyń arasyndaǵy ózara árekettesýdiń biregeı úlgisi jasaldy, - dep atap kórsetti A. Shákirov.

Óz kezeginde I. Grıgýle eldiń táýelsizdik jyldary ishinde jetken jetistikterine oń baǵasyn berdi, sondaı-aq eldegi qazirgi ahýaldy uǵyný úshin Adam quqyqtary jónindegi ýákili bergen aqparattyń mańyzdylyǵyn belgiledi.

«Qazaqstan barlyq Ortalyq Azııa óńirleri úshin úlgi bolarlyq el ekenin, qazaqstandyq Ombýdsmenniń mekemesi qazirgi kezde alýshy retinde ǵana emes, sonymen qatar óziniń shetel áriptesteri úshin qundy tájirıbeniń kózi bolýǵa ábden daıyn ekenin jetkizdi» evropalyq ókil.

Kezdesý qorytyndysy boıynsha, naqty baǵyttaryna ortaq jobalary aıasynda adam quqyqtaryn qorǵaý salasyndaǵy ekijaqty qyzmettestikti odan ári kúsheıtý, sonyń ishinde ulttyq quqyq qorǵaý mekemesiniń ınstıtýtsıonaldyq nyǵaıtý qajettiligi týraly pikir bildirdi.