Eýropanyń birqatar elinde lokdaýn jarııalandy

LION. QazAqparat – Eýropanyń birqatar elinde, atap aıtsaq Frantsııa, Polsha, Ýkraınada karantın sharalary kúsheıtildi, dep habarlaıdy QazAqparat Euronews-ke silteme jasap.

Frantsııanyń Parıj aımaǵynda jáne eldiń soltústik-shyǵys jáne ońtústik-shyǵys departamentterinde jańa sanıtarlyq shekteý kúshine endi. Bir jyl buryn búkil Frantsııada kúshine engen ózin-ózi oqshaýlaý rejıminen aıyrmashylyǵy bul joly frantsýzdarǵa sebebin túsindirmesten kóshege shyǵýǵa jáne úıden 10 shaqyrym qashyqta júrýge ruqsat etiledi, biraq toptanyp jınalýǵa qatań tyıym salynady.

«Áli kúnge deıin oǵan úırený qıyn. Erkindik jetkiliksiz, dostarmen kezdesý múmkindigi joq. Biz munyń bárinen aıyrylǵanbyz»,- deıdi qala turǵyny.

«Men esh shaǵymdanbaımyn, óıtkeni meniń jumysym da, kúıeýim de bar. Bizdiń óz úıimiz bar, balalarymyz bar, ómir jalǵasýda. Úılerinde qamalǵan parıjdikter men jalǵyz turatyn stýdentterdegi jaǵdaı bólek másele», - deıdi tańǵy bir turǵyn.

Senbide Polshada úsh aptalyq lokdaýn bastaldy. Tek aqpan aıynda bul eldegi murajaılar, kınoteatrlar men qonaq úıler jumysyn qaıta bastady. Biraq shekteý sharalaryn jeńildetý bir aıdan aspady. Germanııa qazirdiń ózinde Polshamen shekaradaǵy baqylaýdy kúsheıtetinin málimdedi.

«Bul shekteýler qansha ýaqytqa sozylatynyn kóreıik. Eger bir-eki aı bolsa, jaraıdy. Biraq bul kóp ýaqytqa sozylsa, men bilmeımin. Bul múldem túsiniksiz».

Ýkraınada qatań karantın shekteýleri Kıev, Lvov jáne Vınnıtsa bıligi engizdi. Ótken aptada bul elde koronavırýs ınfektsııasynyń kúrt ósýi baıqaldy.