Eýropany orman órti sharpyp jatyr

NUR-SULTAN. QazAqparat – Aptap ystyq saldarynan tutanǵan orman órti Eýropany sharpyp jatyr. Portýgalııa, Ispanııa, Grekııa men Frantsııanyń ońtústik-batysynda myńdaǵan qutqarýshy órtpen kúresýde. Myńdaǵan adam evakýatsııalandy, birneshe júzdegeni órtte qaza tapty, dep habarlaıdy QazAqparat BBC-ge silteme jasap.

Órt shyqqan kóptegen aýdandarda aýa temperatýrasy 40 gradýstan asyp, órt sóndirýshilerge qıyndyq týdyryp jatyr. Shildede Frantsııa, Ispanııa, Italııa, Horvatııa, Grekııa, Túrkııa men Marokkoda orman ýchaskelerin jalyn sharpyǵan.

Eýroodaq janyndaǵy tabıǵı apatqa jedel áreket etý qyzmeti Copernicus Eýropanyń ońtústigi men Afrıkanyń soltústigindegi órt taralý qaýpi bar aımaqtardy kórsetetin karta jarııalady.

Ǵalymdar sońǵy jyldary qolaısyz aýa raıyna baılanysty tabıǵı kataklızmniń jıilep ketkenin atap ótti. Adam áreketi saldarynan klımattyq ózgerister oryn alyp, aptap ystyq turaqty, qarqyndy jáne uzaǵyraq bolyp jatyr.

Jahandyq ortasha temperatýra ındýstrııaǵa deıingi deńgeıden 1,1 gradýsqa asyp ketti. Eger elder atmosferaǵa parnıkti gaz shyǵaryndylaryn azaıtpasa, temperatýra joǵarylaı beredi, deıdi ǵalymdar.

Beısenbi Portýgalııanyń soltústiginde 47 gradýs ystyq bolyp, 40 gradýsta turǵan. Ispanııanyń ońtústiginde termometr 40 gradýstan asyp ketken. Portýgalııa men Ispanııada 300-den astam adamnyń qatty ystyq pen tútin saldarynan densaýlyǵy nasharlap, qaıtys bolǵan.

Juma kúni órt qurbandarynyń biri portýgalııalyq gıdroushaq ushqyshy boldy. Ol eldiń soltústik-shyǵysyndaǵy Fosh Koa qalasynda órt sóndirip júrip, apatqa ushyrady.

Ispanııanyń ońtústiginde teńiz jaǵasyndaǵy Mıhas qalasynda órt shyǵyp jatyr. Onda tanymal kýrort Kosta-del-Sol ornalasqan. Órt saldarynan 2300 adam evakýatsııalandy.

Frantsııada tabıǵı órt Atlant jaǵalaýynda shyǵyp jatyr. Eldiń ońtústik-batysyndaǵy Jıronda departamentinde jaǵdaı qıyn. Onda tórt myń gektardan astam jer janyp, 11 myńnan astam adam evakýatsııalandy. Sonyń ishinde tanymal kempıngterde demalyp júrgen myńdaǵan týrıster bar.

Juma kúni Italııanyń soltústiginde Adrıatıka jaǵalaýyndaǵy Bıbıone kýrortyn órt sharpyp, birneshe demalýshy teńizge súńgýge májbúr bolǵan. Olardy jaǵajaı qyzmetindegi qutqarýshylar qutqaryp aldy. Senbiden beri órt sóndirýshiler Venetsııaǵa jaqyn jerde órt sóndirip jatyr.

Buǵan deıin Horvatııada orman órti týraly aqparat túsken edi. Órt sóndirýshiler ushaqtardyń kómegimen Zadar jáne Shıbenek qalalaryna jaqyn jerde órtpen kúresti.

Grekııada qutqarý qyzmeti bir táýlikte 51 órt oshaǵyn sóndirdi. Qatty jelden eldiń ortalyǵynda, Attıka men Krıt aralynda jańa órt qaýpi bar.

Kelesi aptanyń basynda meteorologtar aýa temperatýrasy 40 gradýstan asatynyn boljap otyr. Sonyń ishinde Brıtanııa men Frantsııada. Brıtanııa meteoqyzmeti joǵary temperatýraǵa baılanysty tarıhta alǵash ret eskertýdiń «qyzyl» deńgeıin jarııalady.

Foto: www.bbc.com