Eýropanyń ońtústiginde aptap ystyqtan tórt adam kóz jumdy

<p>ASTANA. KAZINFORM - Keıbir Eýropa elderinde aýa temperatýrasy Tselsıı boıynsha 38-41 gradýsqa deıin jetedi. Bılik aptap ystyqta úıden az shyǵyp, kóbirek sý ishýdi usynyp jatyr. Bul týraly <a href="https://ru.euronews.com/my-europe/2024/07/19/europe-south-countries-heat-wave" target="_blank" rel="noopener">Euronews</a> jazdy.</p>

Ońtústik Eýropa Afrıkadan keletin antıtsıklon saldarynan qatty ystyqty bastan keshirip jatyr.

Rımde aýa temperatýrasy 40 gradýs Tselsııden asyp ketti. Italııanyń Densaýlyq saqtaý mınıstrligi el astanasy Florentsııa men Bolonıany qosa alǵanda, 17 iri qalada aýa raıyna baılanysty eskertýdiń eń joǵary deńgeıin jarııalady.

Resmı málimet boıynsha, aptap ystyq tórt adamnyń ómirin qıdy. Eldiń Densaýlyq saqtaý mınıstrligi azamattarǵa múmkindiginshe úılerinen shyqpaı, kóbirek sý ishýdi usynady.

Ispanııa bıligi tym joǵary temperatýra negizinen ashyq jerde, kóshede jumys isteıtin adamdarǵa qaýip tóndiretini týraly eskertip jatyr. Bul kúnderi ystyq ótý qaýpi áldeqaıda joǵary, dep jazylǵan baıandamada. Eldiń birneshe aımaǵynda aptap ystyqqa baılanysty qyzǵylt sary eskertý jarııalandy.

Grekııada kúnniń eń ystyq ýaqytynda ashyq jerde jumys isteýge tyıym salynǵan. Sońǵy 10 kúnde Afınada aýa temperatýrasy túnde de 30 gradýstan joǵary bolyp tur.

Portýgalııada 40-qa jýyq mýnıtsıpalıtet ystyq aýa raıyna baılanysty órt shyǵý qaýpinde tur.

Meteorologtardyń málimetinshe, aptap ystyq jeksenbige deıin jalǵasady.