Eýropanyń eń dáýletti elderinde balalar kedeıliginiń deńgeıi ósti – ıÝNISEF baıandamasy

<p>ıÝNISEF jarııalaǵan sońǵy málimetke sáıkes, 2014-2021 jyldar aralyǵynda álemniń ekonomıkasy damyǵan birqatar elderinde balalar kedeılik kórsetkishiniń kúrt óskeni baıqaldy. <a href="Kazinform" target="_blank" rel="noopener">Kazinform </a>agenttigi bul týraly <a href="https://ru.euronews.com/2023/12/07/unicef-child-poverty" target="_blank" rel="noopener">Euronews</a>-ke silteme jasap habarlaıdy.</p>

«Dáýletti elderdegi balalar kedeıligi» esebinde atap kórsetilgen zertteý tańqaldyratyn qorytyndy shyǵardy: Ulybrıtanııa, Ispanııa jáne Lıýksembýrg sııaqty álemniń keıbir damyǵan elderi reıtıngtegi eń tómengi orynda tur.

Basqa jaǵynan alǵanda, halyqtyń ál-aýqatynyń deńgeıi birshama tómen elder, mysaly, Polsha men Slovenııa balalar kedeıligimen kúreste jaqsy nátıjelerge qol jetkizdi. Olardan keıin tizimde Latvııa men Ońtústik Koreıa kórsetilgen.

Zertteýde EYDU jáne EO elderinde kámeletke tolmaǵandar arasyndaǵy kedeıshiliktiń kórinisi sıpattalyp, sondaı-aq balalary bar otbasylarǵa qarjylyq qoldaý kórsetý boıynsha memlekettik saıasatqa taldaý júrgizildi.

Baıandamada halyqtyń ártúrli sanattary úshin táýekelder de taldanǵan. Derekter jınalǵan 38 elde jalǵyzbasty analar nemese ákeler tárbıelep otyrǵan balalardyń basqa balalarǵa qaraǵanda kedeıshilikte ómir súrý yqtımaldyǵy úsh ese joǵary. Múgedektigi bar jas urpaqtar men etnıkalyq/násildik azshylyqtardyń balalary da joǵary táýekelge ushyraıdy.

Zertteýge sáıkes, bul elderde 2012 jyldan 2019 jylǵa deıin turaqty ekonomıkalyq ósim baıqalǵan, bul olarǵa 2008-2010 jyldardaǵy retsessııanyń áserin qalpyna keltirýge múmkindik berdi.

Degenmen, osy ýaqyt ishinde birqatar elderde balalar kedeıliginiń deńgeıi tómendegenimen, keıbir eń baı ekonomıkalarda onyń kórsetkishteri kúrt ósken. Baıandama sondaı-aq ulttyq tabys deńgeıi uqsas Slovenııa men Ispanııa sııaqty elderde balalar kedeıliginiń deńgeıinde aıtarlyqtaı aıyrmashylyqtar bar ekenin kórsetti – sáıkesinshe 10% jáne 28%.

Balalardyń ómir súrý jaǵdaıyn eldiń ál-aýqatynyń deńgeıine qaramastan jaqsartýǵa bolady, delingen baıandamada.

Mysaly, EYDU jáne EO-nyń eń dáýletti elderi qataryna jatpaıtyn Polsha, Slovenııa, Latvııa jáne Lıtva balalar kedeıligi deńgeıiniń aıtarlyqtaı tómendeýine qol jetkizdi: Polshada ol 38%-ǵa, al basqa elderde 31%-ǵa tómendedi.

Osy arada tabysy joǵary bes el – Ulybrıtanııa (+20%), Frantsııa, Islandııa, Norvegııa jáne Shveıtsarııada (shamamen +10%) 2014 jyldan beri turmysy tómen otbasylarda turatyn balalar sanynyń eń úlken ósimi baıqaldy.