Eýropalyq sot jumysqa hıdjab kııýge tyıym saldy

ASTANA. QazAqparat - Eýropalyq Odaqtyń eń joǵarǵy sot ınstantsııasy - Eýropalyq sot jumysqa «kez kelgen saıası, fılosofııalyq nemese dinı úlgidegi» kıimderdi, sonyń ishinde hıdjab kııýge tyıym saldy. Bul týraly «Bı-Bı-Sı»  habarlady.

Sheshimde kórsetilgendeı, bul tyıym halyqaralyq kompanııalardyń erejesine sáıkes bolýy kerek.

Osyndaı sheshimniń shyǵýyna Belgııadaǵy G4S kompanııasynyń qyzmetkerin hıdjabsyz jumys jasaýdan bas tartqany úshin jumystan bosatqany sebep bolǵan. 

Belgııanyń kassatsııalyq soty isti qaraý úshin Eýropalyq sotqa bergen.

Bul EO Joǵarǵy sot ınstantsııasynyń jumys ýaqytynda hıdjab kııý máselesine qatysty shyǵarǵan alǵashqy sheshimi.