Eýropalyq sarapshylar: Referendým - Jańa Qazaqstan qurý jolyndaǵy mańyzdy qadam

BRıÝSSELЬ. QazAqparat – Azııalyq zertteýlerdiń eýropalyq ınstıtýtynda «Konstıtýtsııalyq ózgerister - Qazaqstan - Eýropalyq Odaq qatynastarynyń bolashaǵy» atty semınar ótti, dep habarlaıdy QazAqparat tilshisi.

Jıynda Azııalyq zertteýlerdiń eýropalyq ınstıtýtynyń atqarýshy dırektory Lın Goetals elimizde ótken referendým – Jańa Qazaqstandy qurýdaǵy mańyzdy qadam ekenin atap ótti.

«Bul Qazaqstandy transformatsııalaý úshin jasalǵan alǵashqy mańyzdy qadam. Biz osy baǵytta atqarylatyn jumystardyń qalaı júzege asatynyn asyǵa kútemiz. Sondaı-aq, biz Qazaqstandy demokratııalandyrý, bıliktiń esep berýi jáne halyqqa sheshimderdi qabyldaýǵa tikeleı aralasý múmkindigin berý turǵysyndaǵy ózgeristerdi baqylap otyramyz. Sonymen qatar, Qazaqstan men Eýroodaq arasyndaǵy ekijaqty qarym-qatynas odan ári nyǵaıa túsedi dep senemiz» - dedi belgııalyq sarapshy.

Budan bólek, Eýropalyq syrtqy baılanystar qyzmetiniń Ortalyq Azııa boıynsha bólim basshysy Dıtmar Krıssler Prezıdentiniń jaqyn týystaryn joǵary memlekettik laýazymdarǵa taǵaıyndamaý týraly ózegeriske toqtaldy.

«Shynynda da bul usynys referendýmǵa shyǵarylyp, kópshilik daýys arqyly maquldandy. Sondyqtan biz atalǵan bastama Qazaqstandy demokratııalandyrý jolyndaǵy oń qadam bolýy múmkin dep esepteımiz», - dedi Dıtmar Krıssler.