Eýropalyq professorlar adam quqyǵy boıynsha qazaqstandyq stýdentterdiń bilimin jetildiredi
L.N.Gýmılev atyndaǵy EUÝ jáne QAZGZÝ-niń jumys alańynda pánaralyq qaǵıdalarǵa sáıkes, joǵary kýrs stýdentterinen quralǵan zertteý toby, bolashaq normatıvti reformalarǵa arqaý bolar jáne qazirgi kezde ózekti bolyp otyrǵan adam quqyǵy, qylmystyq ádil sot júıesin izgilendirý, kámeletke tolmaǵandardyń qylmystyq jaýapkershiligi týraly jobalaryn ázirlep, ulttyq baǵdarlamalardy jetildirý úshin usynystaryn daıyndaıdy.
Penal Reform International (PRI) Halyqaralyq uıymynyń Ortalyq Azııadaǵy aımaqtyq ókildiginiń dırektory Azamat Shambılov óz suhbatynda, qazirgi kezdegi ádil sot júıesindegi adam quqyǵy týraly bylaı dep málimdedi: «Búgingi tańda árbir qazaqstandyqtyń quqyqtyq sanasynyń deńgeıi aıtarlyq ósýde, biraq keı tulǵalardyń quqyǵyn qorǵaý barysynda aıqyn jiktelý baıqalyp otyr. Quqyq qorǵaý júıesindegi urymtal máselelerdiń biri - zań aldynda jaýapty balalardyń quqyǵy men jazasyn ótep jatqan áıelderdiń quqyǵyn qorǵaý bolyp otyr. Jalpy sottalǵandardyń da quqyǵynyń saqtalýy kún tártibinde. Sondyqtan da atalǵan joba jastardyń adam quqyǵynyń negizgi erejelerimen tanysýyna sep bolyp, bolashaq quqyq qorǵaýshylardyń sarapshylyq qabiletiniń qalyptasýyna kómegin tıgizeri sózsiz».
Stýdentterdi adam quqyǵy salasyna tartyp, qazaqstandyq jastardyń arasynda adam quqyǵyna degen qurmet pen túsinistikti damytýǵa múmkindik beredi. CAPSTONE PROJECT bilim berý protsesin nyǵaıtý men zertteýshilik qabiletti damyta otyryp, stýdentterdiń oqý úrdisi barysynda modýldyq, kýrstyq jáne dıplomdyq jumystaryn jazýǵa mashyqtandyryp, bolashaqta magıstrlik dısertatsııalaryn «capstone» tobynda jumys isteı otyryp qorǵaýǵa múmkindik beredi.
Usynylǵan ǵylymı jumystar Parlament depýtattary men shet eldik sarapshylardan jáne Nıderlandy Koroldigi Elshiliginiń ókilderinen, PRI Ókildiginiń basshylyǵy men ulttyq sarapshylardan quralǵan komıssııa tarapynan baǵalanatyn bolady. Jeńimpaz dep tanylǵan stýdentter toby Nıderlandydaǵy jetekshi JOO-nyń birinen tájirıbeden ótýge múmkindik alady.
Nıderlandy Koroldiginiń Qazaqstan, Qyrǵyzstan, Tájikstandaǵy Elshisi Hans Drısser, jobany qoldaı otyryp, «Qazaqstan Respýblıkasy men Nıderlandy Koroldigi arasyndaǵy baılanystyń aýqymy keń. Adam quqyǵy salasynda biz birlese otyryp, jumys isteýge qýanyshtymyz. Atalǵan joba stýdentterge zertteýdiń jańa tásilderin úırenip, jergilikti jáne shet eldik professorlardyń ádistemelik jetekshiligimen ujymda jumys isteýge úıretedi. Mundaı jobalar álemniń úzdik JOO-larynda sátti túrde júzege asyp keledi», - dep atap ótti.
Joba Penal Reform International (PRI) Halyqaralyq uıymynyń Ortalyq Azııadaǵy Ókildiginiń bastamasymen jáne Nıderlandy Koroldiginiń qoldaýymen, QAZGZÝ jáne L.N.Gýmılev atyndaǵy EUÝ áriptestigimen júzege asyrýda.