Eýropalyq parlamenttiń Ortalyq Azııa elderi jónindegi delegatsııa basshysy Qazaqstan halqyna kóńil aıtty

BRıÝSSELЬ. QazAqparat – Eýropalyq parlamenttiń Ortalyq Azııa jáne Mońǵolııa elderi boıynsha delegatsııa basshysy Tomas Zdehovskı Jalpyulttyq aza tutý kúnine baılanysty Belgııadaǵy Qazaqstan elshiligine kóńil aıtý hatyn jiberdi, dep habarlaıdy QazAqparat menshikti tilshisi.

«Ókinishke qaraı, Strasbýrg qalasyndaǵy Eýropalyq parlamenttiń plenarlyq sessııasyna qatysýyma baılanysty Brıýsseldegi Qazaqstan elshiliginiń Kóńil aıtý kitabyna óz qolymmen jazba qaldyra almadym», - dep jazdy eýropalyq depýtat elektrondyq poshtamen jibergen hatynda.

«Semeı ormaty» rezervatyndaǵy órt saldarynan 14 jumysshynyń qaza tabýyna baılanysty Qazaqstan halqyna qaıǵyra kóńil aıtamyn. Aza tutýǵa ortaqtasyp, olardyń otbasyna, dostaryna jáne áriptesterine shyn júrekten kóńil aıtamyn.

Ótinish, Prezıdent Qasym-Jomart Toqaevqa da kóńil aıtqanymdy jetkizseńizder. 2023 jyldyń 12 maýsymyn Jalpyulttyq aza tutý kúni dep jarııalaýy qazaq halqynyń apat aldyndaǵy birligi men yntymaǵyn kórsetedi», - dep atap ótti T.Zdehovskı.

Búgin Belgııadaǵy QR Elshiliginde memlekettik tý túsirildi. Brıýssel turǵyndary men sheteldik dıplomattar kóńil aıtý úshin QR dıpmıssııasyna kelip, kóńil aıtý kitabyna jazba qaldyryp jatyr.