Eýropalyq parlamentte Qazaq memlekettigin beıneleıtin kóne kartalar kórmesi ashyldy
Onda usynylǵan tarıhı materıaldardy nıderland, frantsýz, aǵylshyn jáne nemis kartograftary jasaǵan.
1500-ge jýyq osyndaı kartany qazaqstandyq ǵalym, L.N. Gýmılev atyndaǵy Eýrazııa ulttyq ýnıversıtetiniń Zamanaýı zertteýler ınstıtýtynyń dırektory Muhıt-Ardager Sydyqnazarov jınap, «Qazaqstannyń úzilissiz memlekettiligi tarıh tolqynynda. XVI-XIX ǵasyrlardaǵy eýropalyq jáne amerıkalyq kartalardaǵy Qazaq memleketi» atty, osydan biraz ýaqyt buryn Brıýsselde jaryq kórgen kitabynda jarııalady.
Belgııalyq kartograftardyń Eýropada Ortalyq Azııa jáne álemniń ózge de aımaqtary týraly geografııalyq aqparatty taratýda erekshe róline oraı kitapty osy elde basyp shyǵarý týraly sheshim qabyldanǵan bolatyn.
Kórmeniń ashylýynda sóz sóılegen Eýropalyq parlament depýtaty Karsten Lýkke «Eýropada Ortalyq Azııa men Qazaqstandy buryn qalaı qabyldaǵanymyzdyń tarıhı perspektıvasyn eskere otyryp, bir-birimiz týraly, ásirese jastardyń bilimin tereńdetý qajet. Sebebi, mádenıet pen tarıhty bilý azamattarymyz úshin durys saıasat qurýǵa kómektesedi. Men Qazaqstan men Eýroodaqty dıplomatııalyq qatynastardyń 30 jyldyǵymen quttyqtaımyn jáne odan ári tabysty damýyna tilektespin» dedi.
Óz kezeginde, Qazaqstannyń EO janyndaǵy Ókildiginiń basshysy Marǵulan Baımuhan kórme Eýropa jáne Ortalyq Azııa halyqtary arasyndaǵy dıplomatııalyq, saýda jáne mádenı baılanystardyń tarıhy týraly bilimderin keńeıte otyryp, Eýropalyq parlamenttiń depýtattary, qyzmetkerleri men kelýshileri arasynda úlken qyzyǵýshylyq týdyratynyna senim bildirdi.
Dıplomat «bul zertteý búginde Qazaqstan men Eýropalyq odaq arasynda qalyptasyp jatqan yntymaqtastyq pen áriptestik qatynastarynyń mańyzdy tarıhı irgetasyn beıneleıtinin» dedi.
Rásimge kitaptyń avtory da qatysty. M. Sydyqnazarovtyń aıtýynsha, «Nıderland, Belgııa, Anglııa, Frantsııa, Italııa, Germanııa, Aýstrııa jáne AQSh-tyń ozyq kartografııalyq baspalarynda Qazaq memleketi XVI-XIX ǵasyrlarda shyǵarylǵan saıası kartalarda jáne ózge de atlastarda turaqty túrde kezdesedi, bul bizdiń oıymyzsha, qazaq memlekettiliginiń atalǵan kezeńdegi úzdiksiz sıpatyn rastaıdy».
«Bul kórmeniń Eýropalyq parlament qabyrǵasynda ashylýy kelýshilerge sol kezdegi eýropalyq ǵalymdar, dıplomattar, saıahatshylar tirkegen jáne Eýropa, Amerıka jáne Taıaý Shyǵys elderiniń ulttyq kitaphanalarynda, murajaılary men muraǵattarynda jınalǵan qazaq memlekettiliginiń kartografııalyq artefaktilerimen tanysýǵa tamasha múmkindik beredi», – dep atap ótti ol.
Kórmege alǵashqy kelýshiler, onyń ishinde eýropalyq jáne belgııalyq parlamentterdiń depýtattary men qyzmetkerleri, jalpyeýropalyq ınstıtýttardyń, dıplomatııalyq korpýstyń, ǵylymı-zertteý ortalyqtary men qoǵamdyq uıymdardyń ókilderi onyń ashylýy Eýropa halyqtary men qazaqtar arasyndaǵy alǵashqy baılanystardy kórsetetin qundy tarıhı málimetter men materıaldardyń odan ári taralýyna yqpal etetin mańyzdy oqıǵa ekenin atap ótti.
Іs-shara Eýroodaq zań shyǵarýshy organynyń qabyrǵasynda EO-nyń Ortalyq Azııa elderimen qatynastar jónindegi delegatsııasy (DCAS) tóraǵasynyń orynbasary jáne Kólik jáne týrızm komıteti tóraǵasynyń orynbasary, eýrodepýtat Andrıs Amerıkstiń qoldaýymen ótti.