Eýropalyq odaq Sırııa soǵysyna aralasqysy kelmeıdi

ASTANA. 6 qyrkúıek. QazAqparat - Eýropalyq odaq Sırııa máselesin BUU aıasynda beıbit jolmen retteýdi qoldaıdy. Bul týraly Reseıdiń Sankt-Peterbor qalasynda ótip jatqan G20 sammıtinde Eýropalyq odaqtyń basshysy Herman Van Rompeı málimdedi.

Onyń aıtýynsha, Sırııadaǵy jaǵdaı osy zamannyń eń iri gýmanıtarlyq tragedııasy bolyp sanalady. Osy ýaqytqa deıin bul elden 2 mln.-ǵa jýyq adam ózge memleketerge kóship, bosqyndar qataryna qosyldy. BUU-nyń qazirgi málimetterine sáıkes, bosqyndardyń basym bóligi - 720 myń adam - Lıvııaǵa qonys aýdarsa, Iordanııaǵa jarty mıllıonnan astam sırııalyq azamat ketip qalǵan. Shekara aımaqtaryndaǵy ýaqytsha ornalastyrý ortalyqtarynda 460 myńnan astam adam bar. Irak 210 myń azamatqa bosqyn mártebesin berdi. Mysyr men Aljırge de kóship jatqan Sırııa azamattary barshylyq. BUU-nyń málimdemesi boıynsha Sırııadan kóship ketken bosqyndardyń shamamen jartysyn 11 jastan kishi balalar quraıdy. Aıta keteıik, AQSh prezıdenti B.Obama BUU Qaýipsizdik keńesiniń sheshimine qaramastan, Sırııaǵa qarsy áskerı operatsııany bastaýǵa múddeli. Qazir ol AQSh Kongresiniń qoldaýyn kútip otyr. Alaıda halyqaralyq sharttarǵa sáıkes, tek BUU-nyń Qaýipsizdik keńesi ǵana ondaı áskerı operatsııaǵa ruqsat bere alady.