Eýropalyq odaq sanktsııaǵa ilinetin reseılikterdiń tizimin keńeıtýi múmkin

BRıÝSSELЬ. QazAqparat - Eýropalyq odaq Reseıge qarsy sanktsııalardyń toǵyzynshy paketi aıasynda shekteýge jatatyn azamattardyń tizimin aıtarlyqtaı keńeıtpek. Bul týraly seısenbi kúni resmı derekkózderge silteme jasap Politico málimdedi, dep habarlaıdy QazAqparat.

Basylymnyń jazýynsha, Eýroodaq elderi «uzyn-sonar tizim usynǵan», qazir Eýrokomıssııa sarapshylary ony talqylap jatyr.

Politico-nyń málimetterine qaraǵanda, Latvııa, Lıtva, Polsha jáne Estonııa sııaqty memleketterdi Reseı munaı baǵasynyń shekti deńgeıimen bir ýaqytta kezekti sanktsııalar paketin jarııalaýǵa kóndirgisi keledi.

Alaıda keıbir eýropalyq dıplomattar shektýler jınaǵy áli daıyn emes ekenin jáne ony baǵanyń shegimen baılanystyrý jaǵdaıdy odan beter nasharlatatynyn alǵa tartyp, bul ıdeıany qoldamady. Onyń ústine Eýrokomıssııa jańa shekteýler boıynsha beıresmı konsýltatsııalardy áli bastaǵan joq.

Foto: assets.weforum.org