Eýropalyq Odaq qorǵanys shyǵyndaryn arttyrady

BRıÝSSELЬ. QazAqparat - Seısenbi kúni Brıýsselde Eýropalyq Odaqqa múshe 27 eldiń qorǵanys mınıstrleriniń kezdesýi ótti, dep habarlaıdy QazAqparat tilshisi.

Eýropalyq qorǵanys agenttigi keńesiniń otyrysynda qorǵanys mınıstrlerine Eýropalyq syrtqy baılanystar qyzmetimen (EEAS) jáne EO áskerı shtabymen (EUMS) tyǵyz yntymaqtastyqta ázirlengen Úılestirilgen jyl saıynǵy qorǵanys sholýy (CARD 2022) usynyldy.

Esepte osy kezeńde qorǵanys shyǵyndarynyń ulǵaıýy Eýroodaq úshin de, qorǵanys salasyndaǵy syn-qater úshin de úlken múmkindik ekeni atap ótilgen.

Eýropalyq qorǵanys vedomstvosynyń baǵalaýy boıynsha, EO-nyń qosymsha qarajaty qorǵanys múmkindikterindegi burynnan kele jatqan olqylyqtardyń ornyn toltyrýy múmkin.

Keńes otyrysynyń nátıjesinde Eýroodaqtyń Syrtqy ister jáne qaýipsizdik saıasaty jónindegi joǵarǵy ókili jýrnalısterge: «Biz keshegi soǵyspen emes, erteńgi soǵyspen kúresýge daıyn bolýymyz kerek jáne bul jańa tehnologııalyq múmkindikterdi qajet etedi», - dedi.

«Ony durys jumsaýdyń eń jaqsy joly - úılestirilgen jolmen jumsaý», - dedi eýropalyq dıplomatııanyń basshysy.

EO syrtqy saıasat vedomstvosy basshysynyń aıtýynsha, Eýroodaq elderi qorǵanys shyǵyndaryn 2025 jylǵa qaraı 70 mlrd eýroǵa ulǵaıtýdy josparlap otyr.

Arnur Rahymbekov