Eýropalyq quramalar álem chempıonatynda sońǵy 10 oıynda jeńilgen joq

QYZYLORDA. QazAqparat – Búgin fýtboldan álem chempıonatynda 3-oryn úshin oıyn ótedi. Aıta ketsek, sońǵy 19 oıynnyń 18-de qola júlde ıesi negizgi kezeńde anyqtalǵan, dep habarlaıdy QazAqparat tilshisi.

Tek 1986 jyly qola júlde úshin kezdesýde Frantsııa quramasy Belgııamen negizgi kezeńde 2:2 esebimen teń túsip, overtaımda qarsylasyn qapy qaldyrdy.

Horvatııalyq fýtbolshylar álem chempıonaty fınaldyq satysynda Afrıka qurlyǵynan kelgen úsh quramamen kezdesýinde birde- bir gol jibergen joq. Toptyq kezeńde 2014 jyly Kamerýndy 4:0, 2018 jyly Nıgerııany 2:0 eseıýimen jeńgen edi.

Al Marokkomen 2022 jyly toptyq kezeńde 0:0 esebine qanaǵat bildirdi.

Aıta ketsek, 3-oryn úshin sońǵy 10 kezdesýde eýropalyq quramalar jeńimpaz atanǵan.

Qola júlde alǵan quramalar tizimi tómendegishe:

1982 - Polsha

1986 - Frantsııa

1990 - Italııa

1994 - Shvetsııa

1998 - Horvatııa

2002 - Túrkııa

2006 - Germanııa

2010 - Germanııa

2014 - Nıderland

2018 - Belgııa

Eske salsaq, búgin, 17 jeltoqsanda elorda ýaqytymen saǵat 21:00-de 3-oryn úshin Horvatııa jáne Marokko kezdesýi «Qazaqstan» jáne «Qazsport» telearnalarynan tikeleı efırde kórsetiledi.