Eýropalyq komıssııa: Red Bull kompanııasy Eýroodaqtyń monopolııaǵa qarsy zańnamasyn buzdy

VENA. QazAqparat - Eýropalyq komıssııa (EK) avstrııalyq energetıkalyq sýsyn shyǵaratyn Red Bull kompanııasyn zańsyz sóz baılasý men eýropalyq monopolııaǵa qarsy zańnamany buzdy dep kúdiktenedi, korporatsııanyń keńsesinde tintý júrgizildi, dep habarlaıdy QazAqparat TASS agenttigine silteme jasap.

Avstrııa baspasóz agenttiginiń habarlaýynsha, dúısenbi kúni kompanııanyń keńsesin Avstrııanyń federaldyq básekelestik agenttigi qyzmetkerleriniń qatysýymen eýropalyq qurylymdardyń ókilderi tintigen.

Seısenbi kúni Eýropalyq komıssııa Red Bull-ǵa qatysty resmı tergeýdi bastady. Korporatsııanyń ózi izdeý faktisin rastap, budan ári túsinikteme berýden bas tartty.

Red Bull ártúrli sport túrleri boıynsha jarystardyń demeýshisi jáne uıymdastyrýshysy retinde tanymal. Onyń bas keńsesi Avstrııanyń Fýshl-na-Ze qalasynda (Zaltsbýrg Federaldy shtaty) ornalasqan.