Eýropalyq bıznes-assambleıa professor Marat Nurǵojındi halyqaralyq nagradamen marapattady

ASTANA. 31 jeltoqsan. QazAqparat - Eýropalyq bıznes-assmbleıa jáne álemniń 54 eliniń kórnekti ǵalymdarynyń Eýropa rektorlar klýby «Qazaqstan Ǵarysh Sapary» UK AQ prezıdentiniń mindetin atqarýshy, tehnıka ǵylymdarynyń doktory Marat Nurǵojındi «Álemdik ǵylymǵa qosqan úlesi úshin» dańq ordenimen jáne oǵan qosa «Ǵylymdaǵy esim» qurmetti ataǵymen marapattady.

«Ǵylymdaǵy esim» halyqaralyq nagradasymen birge Sokrat ordeni, qurmet lentasy men Qazaqstan ǵalymynyń esimi 21 ǵasyrdyń tanymal ǵalymdarynyń tizimine engizilgeni jónindegi senim gramotasy onyń ıesine keshe tapsyryldy.

Tehnıka ǵylymdarynyń doktory, professor Marat Nurǵojın 250 ǵylymı maqala, jeti patent, tórt monografııa, toǵyz oqýlyq pen ǵylymı ádistemelerdiń avtory, ol bes kandıdat pen bir ǵylym doktoryn, qyryqtan astam magıstrant daıyndap shyǵarǵan.