Eýropalyq bank ShQO kóshelerin jaryqtandyrýǵa qarjy bólmek
Halyqaralyq qarjy alpaýyty bóletin ınvestıtsııaǵa oblystaǵy 16 aýdan ortalyǵynyń kósheleri jańa tehnologııamen jaryqtandyrylmaq. ıAǵnı, oblys boıynsha 10 myńnan astam jaryq núktesi jańalanady. Sonyń nátıjesinde 225 myń adam turatyn ondaǵan eldi meken elektr qýatyn únemdi paıdalanady. Bul týraly oblys ákimi Danıal Ahmetov pen eýropalyq banktiń Ortalyq Azııa elderindegi dırektory Brýno Balvanerdiń kezdesýinde aıtyldy.
«Qazaqstan boıynsha Eýropa qaıta qurý jáne damý banki qarjy quıǵan jobalardyń 29 paıyzy Shyǵysqa tıesili. Onyń tıimdiligi qazirdiń ózinde sezilip jatyr. Keleshekte bul bankke týrızmdi damytý, sýdan enegrııa óndirý, balama qýat kózderin paıdalaný boıynsha qyzyqty jobalar usynamyz», - deıdi oblys ákimi Danıal Ahmetov.
Bank ókili Brýno Balvaner atalmysh joba aýdan ortalyqtarynyń kóshelerdi jaryqtandyrýǵa ketetin shyǵynyń 60 paıyzǵa azaıtanyny aıtady.
«Shyǵys Qazaqstannyń áleýeti óte úlken. Biz munda metallýrgııa, týrızm jáne tabıǵı resrýstardy ıgerý salalary boıynsha áriptestik ornatýǵa daıynbyz», - dedi Brýno Balvaner.
Qazirdiń ózinde eýropalyq bank Shyǵys Qazaqstan aýmaǵynda 13 jobany júzege asyryp jatyr. Onyń bári ınjenerlik jáne ınfraqurylymdyq jobalar.