Eýropalyq Odaqta lańkestikke qarsy jańa úılestirýshi taǵaıyndaldy

<p>ASTANA. KAZINFORM &ndash; Gollandııalyq dıplomat Bartıan Vegter Eýroodaqtyń terrorızmge qarsy úılestirýshisi (EU Counter-Terrorism Coordinator) bolyp taǵaıyndaldy.</p>

Onyń bes jyldyq mandaty 2024 jyldyń 1 naýryzynda bastalady. B.Vegter bul qyzmetti 2021 jyldyń qazan aıynan beri atqarǵan Ilkký Salmıdiń ornyna keledi.

2004 jylǵy 11 naýryzda Madrıdte bolǵan lańkestikten keıin Eýropalyq Keńes EO-nyń terrorızmge qarsy úılestirýshisi laýazymyn qurý týraly sheshim qabyldady. EO terrorızmge qarsy úılestirýshisi EO ishinde terrorızmge qarsy jumysty úılestirýge, oǵan qarsy strategııany iske asyrýdy jáne baǵalaýdy qamtamasyz etýge, terrorızmge qarsy ishki jáne syrtqy aspektilerdi biriktirýge jáne EO men úshinshi taraptar arasyndaǵy baılanysty jaqsartýǵa jaýapty.

Bartıan Vegter – Nıderland Koroldiginiń NATO janyndaǵy Turaqty Ókildiginde ókiletti mınıstr bolyp qyzmet atqarǵan aǵa dıplomat. Leıden ýnıversıteti men Eýropa kolledjiniń túlegi B.Vegter 25 jyldyq dıplomatııalyq mansabynda kópjaqty saıasat pen qaýipsizdik salasynda túrli laýazymdar atqardy.