Eýropalyq Odaq TikTok-qa qatysty tergeýdi bastady

<p>BRıÝSSELЬ. KAZINFORM &ndash; Eýropalyq Komıssııa Tsıfrlyq qyzmetter týraly zańdy buzǵany úshin TikTok-qa qarsy is qozǵady. Atap aıtqanda, platforma kámeletke tolmaǵandardy zııandy kontentten qorǵaý úshin jetkilikti túrde jumys istep jatqanyn tekseredi. Bul týraly Reuters habarlady.</p>

«Búgin biz TikTok ashyqtyq pen kámeletke tolmaǵandardy qorǵaý mindettemelerin buzdy dep kúdiktenip, oǵan qarsy tergeý protsesterin bastap jatyrmyz», – deıdi Eýropa komıssary Terrı Breton.

EO-da 17 aqpanda Sandyq qyzmet týraly zań (DSA) kúshine endi jáne qujat barlyq onlaın platformalarǵa qatysty. TikTok-qa ıelik etetin qytaılyq ByteDance kompanııasy DSA erejelerin buzǵany úshin kináli dep tanylsa, kompanııa álemdik kiristiń 6 paıyzyna deıingi mólsherde aıyppul tóleýi múmkin.

Tergeý TikTok júıesiniń dızaınyn, onyń ishinde minez-qulyqqa táýeldilikke ákeletin áserin týdyratyn algorıtmderdi zertteıdi.

Eýropalyq Komıssııa sondaı-aq TikTok kámeletke tolmaǵan balalardy qupııalylyq, qaýipsizdik jáne qorǵaýdyń joǵary deńgeıin qamtamasyz etý úshin tıisti jáne proportsıonaldy sharalardy qabyldaǵan ba, joq pa, sony qarastyrady. Sonymen qatar, tergeý TikTok óz platformasyndaǵy jarnamalardyń senimdi derekqoryn qamtamasyz etýin de tekseredi. Osylaısha zertteýshiler yqtımal onlaın táýekelderdi zertteı alady.

Bul Eýropalyq komıssııanyń DSA aıasynda tsıfrlyq platformalarǵa qarsy bastaǵan ekinshi tergeýi. Ótken jyldyń jeltoqsanynda retteýshi X áleýmettik jelisine (burynǵy Twitter) ony zańsyz kontentti joıý, ashyqtyq jáne jalǵan aqparatpen kúresý boıynsha eýropalyq standarttardy buzdy dep aıyptap, tergeý bastaǵan edi.