Eýropalyq Odaq Temu-ge qarsy dabyl qaqty

<p>ASTANA. KAZINFORM &ndash; Eýrokomıssııa Temu platformasy ınternet arqyly zańsyz taýarlardy satýdy toqtata almaıtynyna <a href="https://www.inform.kz/ru/es-protiv-temu-rassledovanie-po-faktu-prodazh-nelegalnih-tovarov-14d7eb" target="_blank" rel="noopener">alańdaýshylyq</a> bildirdi, dep habarlaıdy <a href="https://amp.theguardian.com/world/2024/oct/31/eu-launches-action-against-shopping-website-temu-over-products" target="_blank" rel="noopener">The Guardian</a> basylymy.&nbsp;</p>

«Mıllıarder sııaqty satyp al» degen uranmen saýdasyn dóńgeletken platforma Eýropalyq Odaq naryǵyna tez endi. Sáýir aıynda iske qosylǵannan beri kosmetıkadan kıimge deıin, tipti Qytaıdan jetkizilgen jıhazdar men turmystyq tehnıkany shamamen 100 mıllıon paıdalanýshyǵa satqan. 

Eýropalyq komıssııa PDD Holdings-ke tıesili platformanyń Facebook-ten X jáne Google-ǵa deıingi tehnologııalyq kompanııalardy retteıtin jańa tsıfrlyq qyzmetter týraly zańyn (DSA) buzyp otyr degen alańdaýshylyq bildirdi. 

Komıssııa atalǵan saýda marketpleısinde «buryn buǵattalǵan alaıaq saýdagerler» qaıta qýlyǵyn asyrýy múmkin dep alańdaıdy. Sebebi, platformanyń jetkilikti senimdi júıeleri joq ekenin alǵa tartady. Sebebi, keıbir ónimder keıde joıylǵannan keıin birneshe kún ishinde qaıta paıda bolady.

Olardyń aıtýynsha, kontrafaktilik ónimder, farmatsevtıka, kosmetıka jáne oıynshyqtardyń satylýyna qatysty alańdaýshylyqty Eýropadaǵy ártúrli bılik organdary, ásirese Germanııa, Danııa jáne Irlandııa elderi kóterip otyr. 

Sheneýnikter Temu «óz platformasynda ne bolyp jatqanyn tekseretin jáne baqylaıtyn» «tıimdi basqarý júıelerin» engizbegen dep kúdiktenedi.

Eýropalyq komıssııanyń atqarýshy vıtse-prezıdenti Margrete Vestagerdiń aıtýynsha, komıssııa Temý DSA talaptaryna sáıkes keletinine kóz jetkizgisi keledi.

«Atap aıtqanda, olardyń platformasynda satylatyn ónimderdiń EO standarttaryna sáıkestigin jáne tutynýshylarǵa zııan keltirmeıtinin qamtamasyz etý», - dedi Vestager.

Eger DSA-ny buzǵany anyqtalsa, kompanııaǵa úlken aıyppul salynýy múmkin.

EK atap ótkendeı, sáýirde EO-da 75 mıllıon Temu paıdalanýshysy tirkelse, qyrkúıekte olardyń sany 92 mıllıonǵa deıin ósken. 

Al, Qazaqstanda onlaın platformalardan túsetin salyq kóbeıip keledi.