Eýropalyq Odaq Hamastyń Izraılge shabýylyn aıyptady

<p>Eýropalyq Odaqtyń Joǵary ókili Jozep Borrel Izraılge jasalǵan shabýyldarǵa baılanysty málimdeme jasady, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Eýropalyq Odaq Hamastyń Izraıl aýmaǵyna beı-bereketsiz jasalǵan soqqylaryn aıyptaıdy jáne adamdardyń qurban bolǵanyna ókinish bildiredi.

«Eýropalyq Odaq shıelenisken jaǵdaıdy odan saıyn ýshyqtyryp, Palestına halqynyń beıbit ómirge degen úmitin úzetin mán-maǵynasy joq shabýyldar men zorlyq-zombylyqty dereý toqtatýǵa shaqyrady. Eýropalyq Odaq búgingideı beı-bereketsiz, aıaýsyz jasalǵan shabýyldar jaǵdaıynda ózin halyqaralyq zańdarǵa sáıkes qorǵaýǵa quqy bar Izraıldi qoldaıdy»,-delingen habarlamada.

Eýropalyq Odaq Taıaý Shyǵystaǵy beıbit protsesterdi qalyptastyrý baǵytyndaǵy jumystarǵa tyń serpin bere otyryp, myqty ári turaqty beıbit ómir qalyptastyrýdyń mańyzdy ekenin eske salady.

Osyǵan deıin «Hamas» sodyrlary Izraılge zymyranmen shabýyl jasap, 20-dan astam adam mert bolǵanyn jazdyq.

Qazaqstannyń Air Astana áýe kompanııasy Tel-Avıv reısterine bılet satýdy ýaqytsha toqtatty.